Ղեկավարվելով «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 1-ին մասի 20)-րդ կետով, համաձայն Հայաստանի Հանրապետության հողային օրենսգրքի 64-րդ և 65-րդ հոդվածների, Հայաստանի Հանրապետության կառավարության 2006 թվականի ապրիլի 20-ի «Հայաստանի Հանրապետության Սյունիքի մարզի Կապանի քաղաքային համայնքի վարչական սահմանների նկարագիրը հաստատելու և Կապանի քաղաքային համայնքի վարչական սահմաններում գտնվող` պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին» թիվ 723-Ն, 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» թիվ 286 որոշումների, հաշվի առնելով ՀՀ ոստիկանության Սյունիքի մարզային վարչության ոստիկանության Կապանի բաժնի 2014 թվականի դեկտեմբերի 31-ի թիվ 77/3-7705 գրությունը և համայնքի  ղեկավարի  առաջարկությունը, որոշման նախագծի քվեարկության   8 կողմ,   0 դեմ,  0 ձեռնպահ արդյունքներով,  համայնքի ավագանին   ո ր ո շ ու մ  է.

1. Համայնքային սեփականություն հանդիսացող,  Բաղաբերդ թաղամասի  թիվ 3/20 հասցեում գտնվող բնակավայրերի նշանակության հասարակական կառուցապատման հողերից 0.015 հա հողամասը /ծածկագիր 09-001-0115-0055/ հասարակական կառուցապատման նպատակով (համայնքային ոստիկանության հենակետ կառուցելու) սեփականության իրավունքով անհատույց փոխանցել Հայաստանի Հանրապետությանը:
2. Համայնքի ղեկավարին՝ օրենսդրությամբ սահմանված կարգով ապահովել սույն որոշումից բխող գործառույթների իրականացումը: