Ղեկավարվելով «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 20)-րդ կետով, համաձայն Հայաստանի Հանրապետության Հողային օրենսգրքի 481-րդ  հոդվածի,  հիմք ընդունելով Հայաստանի Հանրապետության կառավարության 2006 թվականի ապրիլի 20-ի «Հայաստանի Հանրապետության Սյունիքի մարզի Կապանի քաղաքային համայնքի վարչական սահմանների նկարագիրը հաստատելու և Կապանի քաղաքային համայնքի վարչական սահմաններում գտնվող` պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին» թիվ 723-Ն, 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» թիվ 286, Կապան քաղաքային համայնքի ավագանու 2012 թվականի դեկտեմբերի 13-ի «Համայնքի վարչական սահմաններում գտնվող պետական և համայնքային սեփականություն համարվող հողամասերը հրապարակային սակարկություններով /մրցույթով/ կառուցապատման և /կամ/ վարձակալության իրավունքով օգտագործման տրամադրելու տարեկան մեկնարկային վարձավճար սահմանելու մասին»  թիվ 95-Ն որոշումները   և հաշվի առնելով համայնքի  ղեկավարի  առաջարկությունը, որոշման նախագծի քվեարկության   10  կողմ,   0  դեմ,   0  ձեռնպահ արդյունքներով, համայնքի ավագանին     ո ր ո շ ու մ  է.

1. Համայնքային սեփականություն հանդիսացող, «Լեռնագործ» հյուրանոցի հարևանությամբ, Կարեն Դեմիրճյանի անվան հրապարակի թիվ 2/22 հասցեում  գտնվող բնակավայրերի նշանակության ընդհանուր օգտագործման  հողերից 0.01 հա հողամասը /ծածկագիր 09-001-1487-001, 09-001-1473-001/՝ առանց կապիտալ շինարարություն իրականացնելու թույլտվության, ավտոկայանատեղի կազմակերպելու նպատակով կառուցապատման իրավունքով  10 /տաս/ տարի ժամկետով օգտագործման տրամադրել հրապարակային սակարկություններով` մեկնարկային վարձավճար սահմանելով տարեկան  69400.0 (վաթսունինը հազար չորս  հարյուր) դրամ: 

2. Համայնքի ղեկավարին՝ օրենսդրությամբ սահմանված կարգով ապահովել սույն որոշումից բխող գործառույթների իրականացումը: