Քննելով Էրիկ Էդուարդի Ներսիսյանի կողմից կատարված արարքի մասին 2019 թվականի մայիսի 17-ին կազմված արձանագրությունը և կից նյութերը,
ՊԱՐԶԵՑԻ
Էրիկ Ներսիսյանը Սյունիքի մարզի Կապան համայնքի, Կապան քաղաքի Ռ․Մինասյան փողոցի թիվ 25ա բնակելի շենքի հարևանությամբ, առանց հողօգտագործման իրավունք ունենալու համայնքին սեփականության իրավունքով պատկանող հողամասի վրա ինքնակամ (առանց համապատասխան քաղաքաշինական փաստաթղթերի) կառուցել է ավտոտնակ՝ 20,52 քմ մակերեսով։ Այսինքն Էրիկ Ներսիսյանը կատարել է վարչական իրավախախտում, որը նախատեսված է Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 1-ին մասով, մեղավոր է այն կատարելու մեջ և ենթակա է վարչական պատասխանատվության։
Հաշվի առնելով վերը շարադրված հիմնավորումները և ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 26-րդ կետով, Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 1-ին և 2191-րդ հոդվածի 3-րդ մասերով,
ՈՐՈՇԵՑԻ
1. Էրիկ Էդուարդի Ներսիսյանին Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 1-ին մասով նախատեսված վարչական իրավախախտում կատարելու համար որպես վարչական տույժ նշանակել տուգանք սահմանված նվազագույն աշխատավարձի չորսհարյուրապատիկի՝ 400000 (չորս հարյուր հազար) ՀՀ դրամի չափով:
2. Նշանակված տուգանքը ենթակա է վճարման (հ/հ 900315201153) սույն որոշումը հանձնելու օրվանից ոչ ուշ, քան տասնհինգ օրվա ընթացքում, իսկ որոշումը գանգատարկելու կամ բողոքարկելու դեպքում` գանգատը կամ բողոքը առանց բավարարման թողնելու մասին ծանուցման օրվանից ոչ ուշ, քան տասնհինգ օրվա ընթացքում:
3․ Նշված ժամկետում տուգանքի վճարումը չկատարելու դեպքում սույն որոշումը ենթակա է հարկադիր կատարման օրենքով սահմանված կարգով:
4. Սույն որոշումն ուժի մեջ է մտնում սահմանված կարգով Էրիկ Էդուարդի Ներսիսյանին իրազեկելուն հաջորդող օրվանից։
5. Սույն որոշումը կարող է բողոքարկվել վարչական կամ դատական կարգով՝ դրա ուժի մեջ մտնելու օրվանից երկու ամսվա ընթացքում: