Զեկ. ԿԱՐԵՆ ԳՐԻԳՈՐՅԱՆ

Ղեկավարվելով Տեղական ինքնակառավարման մասին Հայաստանի Հանրապետության օրենքի  18-րդ  հոդվածի 1-ին մասի 42)-րդ կետով,  «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության օրենքի 3-րդ հոդվածով, համաձայն ՀՀ կառավարությանն առընթեր անշարժ գույքի կադաստրի պետական կոմիտեի նախագահի «Կադաստրային հատակագծերում և քարտեզներում հայտնաբերված սխալների ուղղման հրահանգը հաստատելու մասին» թիվ 186-Ն հրամանի և հաշվի առնելով համայնքի ղեկավարի  առաջարկությունը, որոշման նախագծի  քվեարկության     կողմ,     դեմ,    ձեռնպահ   արդյունքներով,  համայնքի ավագանին   ո ր ո շ ու մ  է.

1. Համայնքի վարչական սահմաններում, բնակելի տների տնամերձ հողամասերին կից` քաղաքացիների կողմից ավել օգտագործվող հողամասերը  ճանաչել  համայնքային սեփականություն.

1) Կավարտ թաղամասի թիվ 55/1 հասցեում Վաչե Ավանեսյանի կողմից ավել օգտագործվող 0.03646 հա հողամասը;

2) Կավարտ թաղամասի թիվ 44/1 հասցեում Ժասմենա Բալայանի կողմից ավել օգտագործվող 0.15869 հա հողամասը;

3) Համլետավան թաղամասի թիվ 37/1 և թիվ 37/2  հասցեներում Ալավերդի Արզումանյանի կողմից ավել օգտագործվող համապատասխանաբար՝ 0,0038 հա և 0,008388 հա հողամասերը;

4)Բաղաբուրջ թաղամասի թիվ 91/1 հասցեում Արշավիր Սարգսյանի կողմից ավել օգտագործվող 0.11062 հա հողամասը:

2. Սույն որոշումից բխող գործառույթներն իրականացնել օրենսդրությամբ սահմանված կարգով: