Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24) կետով, համաձայն Քաղաքացիական օրենսգրքի 188-րդ հոդվածի 5-րդ մասի, 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն, 2003 թվականի ապրիլի 17-ի «Բազմաբնակարան բնակելի շենքերի, բնակարանների, անհատական բնակելի տների, այգետնակների (ամառանոցների) և դրանց կից շինությունների, առանձին կանգնած հասարակական ու արտադրական նշանակության շինությունների, բազմաբնակարան բնակելի շենքերում տեղակայված հասարակական և արտադրական նշանակության շինությունների տեղադրության (տարածագնահատման գոտիականության) գործակիցները հաստատելու մասին» թիվ 470-Ն, 29.12.2005թ. թիվ 2387-Ն որոշումների, քննության առնելով "Վամաքս" ՍՊ ընկերության դիմումը. ո ր ո շ ու մ ե մ
1.Անշարժ գույքի սեփականության /օգտագործման/ իրավունքի գրանցման թիվ 2852465 վկայականի համաձայն Կապան համայնքի Սյունիք գյուղում, "Վամաքս" ՍՊ ընկերությանը պատկանող 0.5939 հա մակերեսով սեփական հողամասում ինքնակամ կառուցված 370.6 քառ.մ ընդհանուր արտաքին մակերեսով շենք-շինությունները (114.9քառ.մ մակերեսով ավտոտնակ 2-ը, 54.0քառ.մ մակերեսով ավտոտնակ 3-ը, 154.4 քառ.մ մակերեսով ծածկը, 47.3քառ.մ մակերեսով երկհարկանի պահակակետը), որոնց պահպանումը չեն խախտում այլ անձանց իրավունքները և օրենքով պահպանվող շահերը և վտանգ չեն սպառնում քաղաքացիների կյանքին և առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, չեն առաջացնում հարկադիր սերվիտուտ պահանջելու իրավունք, ճանաչել օրինական և թույլատրել գրանցելու որպես "Վամաքս" ՍՊ ընկերության սեփականություն: 2.Պարտավորեցնել "Վամաքս" ՍՊ ընկերությանը օրինականացման համար տեղական բյուջե վճարել 478080.0(չորս հարյուր յոթանասունութ հազար ութսուն) դրամ՝ /370.6x15000x0.086= 478080/: Որոշման ընդունման օրվանից օրինականացման համար սահմանված վճարների` 60-օրյա ժամկետում չվճարման դեպքում որոշումը համարվում է ուժը կորցրած:
3. Շինություններին տրամադրել հասցե. Սյունիքի մարզ, Կապան համայնք, Սյունիք գյուղ, Գործարանային փողոց, թիվ 1/10: