Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 28)-րդ կետով, «Իրավական ակտերի մասին» Հայաստանի Հանրապետության օրենքի 70-րդ հոդվածով և հաշվի առնելով համայնքի ղեկավարի առաջարկությունը, որոշման նախագծի քվեարկության կողմ, դեմ, ձեռնպահ արդյունքներով, համայնքի ավագանին ո ր ո շ ու մ է. 1.Կապան համայնքի ավագանու 2016 թվականի նոյեմբերի 7-ի «Կապան քաղաքի Շմավոն Մովսիսյանի անվան պատմության թանգարան ՀՈԱԿ-ը վերակազմակերպման եղանակով Կապանի ակումբագրադարանային միավորում ՀՈԱԿ-ին միացնելու, Կապանի ակումբագրադարանային միավորում ՀՈԱԿ-ի կանոնադրությունը՝ նոր խմբագրությամբ և աշխատակիցների թվաքանակը, հաստիքացուցակը և պաշտոնային դրույքաչափերը հաստատելու մասին» թիվ 71-Ա որոշման 6-րդ կետից հետո լրացնել նոր 7, 8 և 9 կետերով.
«7. Հաստատել Հայաստանի Հանրապետության Սյունիքի մարզի Կապան համայնքի ղեկավարի 2017 թվականի փետրվարի 14-ի N 106-Ա որոշումը:
8. Հաստատել Հայասանի Հանրապետության Սյունիքի մարզի Կապան համայնքի ղեկավարի հաստատած՝
1) Հայաստանի Հանրապետության Սյունիքի մարզի Կապան քաղաքի Շմավոն Մովսիսյանի անվան պատմության թանգարան համայնքային ոչ առևտրային կազմակերպության և Կապան քաղաքի ակումբագրադարանային միավորում համայնքային ոչ առևտրային կազմակերպության միջև կնքված միացման պայմանագիրը, համաձայն N 1 հավելվածի:
2) Հայաստանի Հանրապետության Սյունիքի մարզի Կապան քաղաքի Շմավոն Մովսիսյանի անվան պատմության թանգարան համայնքային ոչ առևտրային կազմակերպության գույքի, այլ գույքային իրավունքների, ինչպես նաև պարտատերերին և պարտապաններին վերաբերող բոլոր (ներառյալ՝ վիճարկվող) պարտավորությունների՝ Կապան քաղաքի ակումբագրադարանային միավորում համայնքային ոչ առևտրային կազմակերպությանը փոխանցման ակտը, համաձայն N 2 հավելվածի:
9. Հաստատել Կապան քաղաքի ակումբագրադարանային միավորում համայնքային ոչ առևտրային կազմակերպության կանոնադրությունը փոփոխություններով՝ նոր խմբագրությամբ, համաձայն N 3 հավելվածի»:
2. Որոշման 3-րդ կետով հաստատված՝ «Ակումբագրադարանային միավորում» ՀՈԱԿ աշխատակիցների թվաքանակը, հաստիքացուցակը և պաշտոնային դրույքաչափերը» N 2 հավելվածում կատարել հետևյալ փոփոխությունները և լրացումները.
1)Ավելացնել նոր՝ 15-րդ տող հետևյալ բովանդակությամբ՝
«15. Ֆոնդապահ17280072800»
2)Հավելվածի «Ընդամենը» տողը շարադրել հետևյալ բովանդակությամբ՝
«Ընդամենը 493734640»:
2.Ուժը կորցրած ճանաչել ՀՀ Սյունիքի մարզի Կապան համայնքի ավագանու 2016 թվականի նոյեմբերի 7-ի թիվ 71-Ա որոշման 2-րդ կետը: |