Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24) կետով, համաձայն Քաղաքացիական օրենսգրքի 188-րդ հոդվածի 5-րդ մասի, «Նորմատիվ իրավական ակտերի մասին» օրենքի 1-ին և 37-րդ հոդվածներով, 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն, 2003 թվականի ապրիլի 17-ի «Բազմաբնակարան բնակելի շենքերի, բնակարանների, անհատական բնակելի տների, այգետնակների (ամառանոցների) և դրանց կից շինությունների, առանձին կանգնած հասարակական ու արտադրական նշանակության շինությունների, բազմաբնակարան բնակելի շենքերում տեղակայված հասարակական և արտադրական նշանակության շինությունների տեղադրության (տարածագնահատման գոտիականության) գործակիցները հաստատելու մասին» թիվ 470-Ն որոշումների, քննության առնելով Բորիկ Հովագիմյանի դիմումը. ո ր ո շ ու մ ե մ
1.Անշարժ գույքի նկատմամբ իրավունքների պետական գրանցման թիվ 2340708 վկայականի համաձայն համայնքի Կապան քաղաքի Վաչագան թաղամասի թիվ 165 հասցեում, Բորիկ Հովագիմյանին պատկանող 0,06 հա մակերեսով սեփական հողամասում ինքնակամ կառուցված 175,16 քառ.մ ընդհանուր արտաքին մակերեսով բնակելի նշանակության շինությունները՝ բնակելի տուն և աստիճանահարթակ՝ 74.75 քառ.մ, ձեղնահարկ՝ 35,6 քառ.մ, անասնագոմ՝ 17,11 քառ.մ, ծածկ՝ 31,0 քառ.մ, լողավազան՝ 16,70 քառ.մ որոնց պահպանումը չեն խախտում այլ անձանց իրավունքները և օրենքով պահպանվող շահերը և վտանգ չեն սպառնում քաղաքացիների կյանքին և առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, չեն առաջացնում հարկադիր սերվիտուտ պահանջելու իրավունք, ճանաչել օրինական և թույլատրել գրանցելու որպես Բորիկ Հովագիմյանի սեփականություն:
2.Պարտավորեցնել Բորիկ Հովագիմյանին օրինականացման համար տեղական բյուջե վճարել 150640,0 (հարյուր հիսուն հազար վեց հարյուր քառասուն) դրամ՝ /175,16x10000x0.086= 150640.0/: Որոշման ընդունման օրվանից օրինականացման համար սահմանված վճարների` 60-օրյա ժամկետում չվճարման դեպքում որոշումը համարվում է ուժը կորցրած:
3.Ուժը կորցրած համարել համայնքի ղեկավարի 2019 թվականի հունիսի 27-ի թիվ 889-Ա որոշումը: