Ղեկավարվելով «Տեղական ինքնակառավարման մասին» Հայաստանի Հանրապետության օրենքի 38-րդ, Հողային օրենսգրքի 481 հոդվածներով, համաձայն Հայաստանի Հանրապետության կառավարության 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» թիվ 286, 2006 թվականի նոյեմբերի 30-ի «Հայաստանի Հանրապետության Սյունիքի մարզի Կապանի քաղաքային համայնքի /բնակավայրի/ գլխավոր հատակագիծը հաստատելու մասին» թիվ 1729-Ն, 2005 թվականի դեկտեմբերի 29-ի թիվ 2387-Ն, Կապանի քաղաքային համայնքի ավագանու 2015 թվականի դեկտեմբերի 21-ի թիվ 81-Ն և 2012 թվականի դեկտեմբերի 13-ի 102-Ա որոշումների, հաշվի առնելով Էլեն Մելքումյանի դիմումը. ո ր ո շ ու մ ե մ
1.Կապան քաղաքի Հալիձոր թաղամասի թիվ 2/8 հասցեում գտնվող համայնքային սեփականություն հանդիսացող բնակավայրերի նշանակության խառը կառուցապատման հողերից 0,002 հա հողամասը կառուցապատման իրավունքով օգտագործման տրամադրել Էլեն Մելքումյանին` ավտոտնակ կառուցելու համար: 2.Էլեն Մելքումյանի հետ կնքել հողամասի կառուցապատման իրավունքի տրամադրման պայմանագիր` 25 /քսանհինգ/ տարի ժամկետով՝ 9100,0 (ինը հազար մեկ հարյուր) դրամ տարեկան վարձավճարով և ապահովել գույքային իրավունքների պետական գրանցումը: 3.Տարեկան վարձավճարը ենթակա է վճարման յուրաքանչյուր ամիս հավասար չափերով: Վճարման ժամկետ սահմանել պարտավորությունների ծագման ամսվան հաջորդող յուրաքանչյուր ամսվա 15-ը:Վարձավճարի վճարումը պայմանագրով նախատեսված ժամկետից ուշացնելու դեպքում վարձակալը յուրաքանչյուր օրվա համար վճարում է տույժ չմուծված վճարի գումարի 0.1 %-ի չափով: