Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21)-րդ և 42)-րդ կետերով,  հաշվի առնելով ՀՀ Սյունիքի մարզի զարգացման և ներդրման հիմնադրամի տնօրենի 2017 թվականի հունիսի 28-ի և օգոստոսի 15-ի գրությունները և համայնքի ղեկավարի առաջարկությունը, որոշման նախագծի քվեարկության   10   կողմ,   0    դեմ,  0    ձեռնպահ արդյունքներով, համայնքի ավագանին   ո ր ո շ ու մ   է.

1. Անշարժ գույքի նկատմամբ իրավունքների պետական գրանցման թիվ 29062017-09-0015 վկայականով ամրագրված գույքը /ՀՀ Սյունիքի մարզի Սյունիք համայնք, Գաղթական թաղամաս 70 հասցեում գտնվող օդանավակայանը/ կոնցեսիոն կառավարման իրավունքով 25 տարի ժամկետով տրամադրել ««Սյունիք» օդանավակայան» սահմանափակ պատասխանատվությամբ ընկերությանը:

2. Լիազորել համայնքի ղեկավարին կնքելու կոնցեսիոն կառավարման պայմանագիր՝ պայմանով, որ դրա գործողության ընթացքում ««Սյունիք» օդանավակայան» սահմանափակ պատասխանատվությամբ ընկերության կողմից կապահովվեն Կապանի օդանավակայանի վերագործարկումը և հետագա շահագործումը  միջազգային ստանդարտներին և Հայաստանի Հանրապետության օրենսդրությանը համապատասխան իրականացնելու համար բոլոր անհրաժեշտ աշխատանքները և ներդրումները /ուղևորահամալիրի կառուցում, թռիչքադաշտի վերանորոգում և այլն/: 

3. Սույն որոշումից բխող գործառույթներն իրականացնել օրենսդրությամբ սահմանված կարգով: