Քննելով «ՇԱՀՐ ԻՆՎԵՍՏ» ՍՊԸ տնօրեն Մհեր Ավետիսյանի կողմից կատարված արարքի մասին 2019 թվականի մայիսի 17-ին կազմված արձանագրությունը և կից նյութերը,
ՊԱՐԶԵՑԻ
«ՇԱՀՐ ԻՆՎԵՍՏ» ՍՊԸ տնօրեն Մհեր Ավետիսյանը Սյունիքի մարզի Կապան համայնքի, Կապան քաղաքի Գործարանային փողոցի 3/3/2 հասցեում ընկերությանը սեփականության իրավունքով պատկանող հողամասի վրա ինքնակամ (առանց համապատասխան քաղաքաշինական փաստաթղթերի) կառուցել է թվով երկու պահեստ՝ 167,42 քմ և 31,99 քմ մակերեսներով։ Այսինքն «ՇԱՀՐ ԻՆՎԵՍՏ» ՍՊԸ տնօրեն Մհեր Ավետիսյանը կատարել է վարչական իրավախախտում, որը նախատեսված է Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 1-ին մասով, մեղավոր է այն կատարելու մեջ և ենթակա է վարչական պատասխանատվության։
Հաշվի առնելով վերը շարադրված հիմնավորումները և ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 26-րդ կետով, Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 1-ին և 2191-րդ հոդվածի 3-րդ մասերով,
ՈՐՈՇԵՑԻ
1. «ՇԱՀՐ ԻՆՎԵՍՏ» ՍՊԸ տնօրեն Մհեր Ավետիսյանին Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 1-ին մասով նախատեսված վարչական իրավախախտում կատարելու համար որպես վարչական տույժ նշանակել տուգանք սահմանված նվազագույն աշխատավարձի երկուհարյուրապատիկի՝ 200000 (երկու հարյուր հազար) ՀՀ դրամի չափով:
2. Նշանակված տուգանքը ենթակա է վճարման (հ/հ 900315201153) սույն որոշումը հանձնելու օրվանից ոչ ուշ, քան տասնհինգ օրվա ընթացքում, իսկ որոշումը գանգատարկելու կամ բողոքարկելու դեպքում` գանգատը կամ բողոքը առանց բավարարման թողնելու մասին ծանուցման օրվանից ոչ ուշ, քան տասնհինգ օրվա ընթացքում:
3․ Նշված ժամկետում տուգանքի վճարումը չկատարելու դեպքում սույն որոշումը ենթակա է հարկադիր կատարման օրենքով սահմանված կարգով:
4. Սույն որոշումն ուժի մեջ է մտնում սահմանված կարգով «ՇԱՀՐ ԻՆՎԵՍՏ» ՍՊԸ տնօրեն Մհեր Ավետիսյանին իրազեկելուն հաջորդող օրվանից։
5. Սույն որոշումը կարող է բողոքարկվել վարչական կամ դատական կարգով՝ դրա ուժի մեջ մտնելու օրվանից երկու ամսվա ընթացքում: