Ղեկավարվելով Տեղական ինքնակառավարման մասին Հայաստանի Հանրապետության օրենքի 38-րդ, Հողային օրենսգրքի 50-րդ հոդվածներով, համաձայն Հայաստանի Հանրապետության կառավարության 2006 թվականի ապրիլի 20-ի «Հայաստանի Հանրապետության Սյունիքի մարզի Կապանի քաղաքային համայնքի վարչական սահմանների պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին» թիվ 723-Ն, Կապան քաղաքային համայնքի ավագանու 2012 թվականի դեկտեմբերի 13-ի թիվ 96-Ն որոշումների, հաշվի առնելով «Դանդի Փրիշս Մեթալս Կապան» ՓԲ ընկերության 2013 թվականի հունիսի 4-ի իթվ 258 գրությունը և համայնքի ղեկավարի առաջարկությունը, որոշման նախագծի քվեարկության կողմ, դեմ, ձեռնպահ արդյունքներով, համայնքի ավագանին ո ր ո շ ու մ է 1. Համայնքի Գործարանային փողոցի թիվ 4/16 հասցեում գտնվող, արդյունաբերության, ընդերքօգտագործման և այլ արտադրական նշանակության օբյեկտների հողերից 8.31089 հա հողամաս /ծածկագիր 09-001-504-001/ սահմանափակ օգտվելու իրավունքով /սերվիտուտ/ 25 /քսանհինգ/ տարի ժամկետով տրամադրել «Դանդի Փրիշս Մեթալս Կապան» ՓԲ ընկերությանը, տարեկան վարձավճար սահմանելով 2064430.0 /երկու միլիոն վաթսունչորս հազար չորս հարյուր երեսուն/ դրամ: 2. Սույն որոշումից բխող գործառույթներն իրականացնել օրենսդրությամբ սահմանված կարգով: |