| Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 16-րդ հոդվածի 20)-րդ կետով, համաձայն Հայաստանի Հանրապետության Հողային օրենսգրքի 66-րդ և 72 հոդվածների, Հայաստանի Հանրապետության կառավարության 2006 թվականի ապրիլի 20-ի <<Հայաստանի Հանրապետության Սյունիքի մարզի Կապանի քաղաքային համայնքի վարչական սահմանների նկարագիրը հաստատելու և Կապանի քաղաքային համայնքի վարչական սահմաններում գտնվող` պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին>> թիվ 723-Ն, 2001 թվականի ապրիլի 12-ի <<Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին>> թիվ 286 որոշման 4-րդ գլխի 20. կետի գ) ենթակետի և հաշվի առնելով <<Քոնստրաքշն>> ՍՊ ընկերության 2013թվականի հոկտեմբերի 03-ի թիվ 14 գրությունը 1. Համայնքի Գործարանային փողոցի թիվ 1/3 հասցեում <<Քոնստրաքշն>> ՍՊ ընկերության կողմից ավել օգտագործվող` 09-001-0501-0018 ծածկագրով հողամասի սահմանների ճշտման արդյունքում առաջացած արդյունաբերության, ընդերքօգտագործման և այլ արտադրական նշանակության օբյեկտների հողերից 0.1165 հա հողամասը ճանաչել համայնքի սեփականություն: 2. Թույլատրել համայնքի ղեկավարին հողամասը ուղղակի վաճառքի միջոցով օտարել փաստացի տիրապետողին 943650/ինը հարյուր քառասուներեք հազար վեց հարյուր հիսուն/ դրամ կադաստրային արժեքով: 3. Առաջարկել հողամասը փաստացի տիրապետող <<Քոնստրաքշն>> ՍՊ ընկերությանը ապահովել սեփականության իրավունքի պետական գրանցման համար անհրաժեշտ գործառույթների և դրանց հետ կապված ծախսերի կատարումը: 4. Սույն որոշումից բխող գործառույթներն իրականացնել օրենսդրությամբ սահմանված կարգով: |