ՀԱՄԱՅՆՔԱՅԻՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԳՅՈՒՂԱՏՆՏԵՍԱԿԱՆ ԵՎ ԲՆԱԿԱՎԱՅՐԵՐԻ ՆՇԱՆԱԿՈՒԹՅԱՆ ՀՈՂԵՐԻՑ 4,5 ՀԱ, 0,15 ՀԱ, 0,56 ՀԱ, 0,38 ՀԱ ՀՈՂԱՄԱՍԵՐԻ ՆՊԱՏԱԿԱՅԻՆ ՆՇԱՆԱԿՈՒԹՅՈՒՆՆԵՐԸ ՓՈՓՈԽԵԼՈՒ, ՀԱՄԱՅՆՔԻ ԳԼԽԱՎՈՐ ՀԱՏԱԿԱԳԾՈՒՄ ԵՎ ԸՆԹԱՑԻԿ ՔԱՂԱՔԱՇԻՆԱԿԱՆ ՔԱՐՏԵԶՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՈՒ ԱՄԵՆԱՄՅԱ ՀՈՂԱՅԻՆ ՀԱՇՎԵԿՇՌՈՒՄ ԱՐՏԱՑՈԼԵԼՈՒ ՀԱՄԱՁԱՅՆՈՒԹՅՈՒՆ ՏԱԼՈՒ ՄԱՍԻՆ |
Ղեկավարվելով «Տեղական ինքնակառավարման մասին» Հայաստանի Հանրապետության օրենքի 46-րդ, «Քաղաքաշինության մասին» օրենքի 14.3 հոդվածի 30-րդ մասով, հիմք ընդունելով Հայաստանի Հանրապետության կառավարության 2006 թվականի նոյեմբերի 30-ի «Հայաստանի Հանրապետության Սյունիքի մարզի Կապանի քաղաքային համայնքի /բնակավայրի/գլխավոր հատակագիծը հաստատելու մասին» թիվ 1729-Ն որոշումը, ՀՀ վարչապետի 2009 թվականի դեկտեմբերի 22-ի N 1064-Ա որոշմամբ ստեղծված Հայաստանի Հանրապետության համայնքների /բնակավայրերի/ քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի եզրակացությունը և համայնքի ղեկավարի առաջարկությունը, որոշման նախագծի քվեարկության կողմ, դեմ, ձեռնպահ արդյունքներով, համայնքի ավագանին որոշում է. 1. Համաձայնություն տալ համայնքային սեփականություն հանդիսացող հողամասերից՝ 1) Երկաթուղայինների փողոցի 5-րդ նրբանցքում, գյուղատնտեսական նշանակության 4,5 հա հողամասը փոխադրել արդյունաբերության, ընդերքօգտագործման և այլ արտադրական նշանակության հողերի՝ արդյունաբերական օբյեկտների գործառնական նշանակությամբ; 2) Բաղաբերդ թաղամասում գտնվող գյուղատնտեսական նշանակության այլ հողերից 0,15 հա հողամասը փոխադրել էներգետիկայի, կապի, տրանսպորտի, կոմունալ ենթակառուցվածքների օբյեկտների հողերի՝ կոմունալ ենթակառուցվածքների գործառնական նշանակությամբ; 3) Երկաթուղայինների փողոցի 5-րդ նրբանցքում, գյուղատնտեսական և բնակավայրերի նշանակության այլ հողերից 0,56 հա հողամասը փոխադրել արդյունաբերության, ընդերքօգտագործման և այլ արտադրական նշանակության հողերի՝ արդյունաբերական օբյեկտների գործառնական նշանակությամբ; 4) Երկաթուղայինների փողոցի 5-րդ նրբանցքում, գյուղատնտեսական նշանակության այլ հողերից 0,38 հա հողամասը փոխադրել արդյունաբերության, ընդերքօգտագործման և այլ արտադրական նշանակության հողերի՝ արդյունաբերական օբյեկտների գործառնական նշանակությամբ: 2. Համայնքի գլխավոր հատակագծում և ընթացիկ քաղաքաշինական քարտեզում կատարել համապատասխան փոփոխություններ և դրանք արտացոլել ամենամյա հողային հաշվեկշռում: 3. Սույն որոշումից բխող գործառույթներն իրականացնել օրենսդրությամբ սահմանված կարգով: |