Ղեկավարվելով «Տեղական ինքնակառավարման մասին» Հայաստանի Հանրապետության օրենքի 16-րդ, հողային օրենսգրքի 26-րդ, 47-րդ, 75-րդ հոդվածներով, «Իրավական ակտերի մասին» օրենքի 72 հոդվածի 1-ին մասի 1) կետի բ) ենթակետով, համաձայն Հայաստանի Հանրապետության կառավարության 2010 թվականի հունվարի 14-ի թիվ 16-Ն որոշմամբ հաստատված «Հայաստանի Հանրապետության համայնքների վարչական սահմաններում ընդգրկված` պետական սեփականություն հանդիսացող հողամասերի օտարման, անհատույց /մշտական/ օգտագործման, վարձակալության և կառուցապատման իրավունքով տրամադրման» կարգի և հաշվի առնելով համայնքի ղեկավարի առաջարկությունը, որոշման նախագծի քվեարկության կողմ, դեմ, ձեռնպահ արդյունքներով, համայնքի ավագանին ո ր ո շ ու մ է. 1. Տալ համաձայնություն Կապան համայնքի վարչական սահմաններում ընդգրկված՝ պետական սեփականություն հանդիսացող՝ Մ.Ստեփանյան և Շինարարների փողոցների միջանկյալ հատվածում, Վաչագան գետի 881,10 նիշում գտնվող ջրային հողերից 0,047 հա հողամասը /ծածկագիր 09-001-1680-01/ տրամադրելու անհատույց /մշտական/ օգտագործման իրավունքով ջրընդունիչ կետ կառուցելու նպատակով:
2. Ուժը կորցրած ճանաչել Կապան քաղաքային համայնքի ավագանու 2014 թվականի դեկտեմբերի 18-ի «Պետական սեփականություն համարվող Վաչագան գետի 881,10 նիշում, Մ.Ստեփանյան և Շինարարների փողոցների միջանկյալ հատվածում գտնվող ջրային հողերից 0,00676 հա հողամասը կառուցապատման իրավունքով ՀՀ Սյունիքի մարզպետարանին օգտագործման տրամադրելու համաձայնություն տալու մասին» թիվ 94-Ա որոշումը:
3. Համայնքի ղեկավարին՝ համապատասխան եզրակացություն ստանալու համար օրենսդրությամբ սահմանված կարգով կազմել հողաշինարարական գործ և ներկայացնել ՀՀ Սյունիքի մարզպետին:
|