| <<Տեղական ինքնակառավարման մասին>> Հայաստանի Հանրապետության օրենքի 32-րդ հոդվածի 17) կետ, Քաղաքացիական օրենսգրքի 188-րդ հոդվածի 5-րդ մասի, ՀՀ հողային օրենսգրքի 57-րդ հոդվածի 1.1 կետի, 2006 թվականի մայիսի 18-ի <<Ինքնակամ կառույցների օրինականացման և տնօրինման կարգը հաստատելու մասին>> թիվ 912-Ն, 2003 թվականի ապրիլի 17-ի <<Բազմաբնակարան բնակելի շենքերի, բնակարանների, անհատական բնակելի տների, այգետնակների (ամառանոցների) և դրանց կից շինությունների, առանձին կանգնած հասարակական ու արտադրական նշանակության շինությունների, բազմաբնակարան բնակելի շենքերում տեղակայված հասարակական և արտադրական նշանակության շինությունների տեղադրության (տարածագնահատման գոտիականության) գործակիցները հաստատելու մասին>> թիվ 470-Ն, Կապանի քաղաքային համայնքի ավագանու 2012 թվականի դեկտեմբերի 13-ի <<Համայնքի վարչական սահմաններում գտնվող պետական և համայնքային սեփականություն համարվող հողամասերը հրապարակային սակարկություններով /մրցութով/ կառուցապատման և /կամ/ վարձակալության իրավունքով օգտագործման տրամադրելու տարեկան մեկնարկային վարձավճար սահմանելու մասին>> թիվ 95-Ն և <<Համայնքի վարչական սահմաններում պետական կամ համայնքային հողամասերում քաղաքացիների և իրավաբանական անձանց կողմից ինքնակամ կառույցների նկատմամբ համայնքային սեփականության իրավունքի պետական գրանցումից հետո դրանք օտարելու և /կամ/ վարձակալության իրավունքով օգտագործման տրամադրելու թույլտվություն տալու մասին>> թիվ 101-Ա որոշումներ և քննության առնելով Կապան քաղաքի Մ.Ստեփանյան փողոցի թիվ 16 շենքի թիվ 15 բնակարանի բնակիչ Հասմիկ Դավթյանի դիմումը. 1.Կապան քաղաքի Մ.Ստեփանյան փողոցի թիվ 18/3 հասցեում գտնվող համայնքային սեփականություն հանդիսացող բնակելի կառուցապատման գոտում, Հասմիկ Դավթյանի կողմից ինքնակամ տեղադրված, համայնքային սեփականություն գրանցված 15.0 քառ.մ արտաքին մակերեսով ավտոտնակը 19500 /տասնինը հազար հինգ հարյուր/ (15x10000x0.13=19500.0) դրամով ուղղակի վաճառքի միջոցով օտարել Հասմիկ Դավթյանին: 2.Հասմիկ Դավթյանի հետ կնքել հողամասի վարձակալության իրավունքի տրամադրման պայմանագիր` 25 /քսանհինգ/ տարի ժամկետով` 4320 (չորս հազար երեք հարյուր քսան) դրամ տարեկան վարձավճարով և ապահովել գույքային իրավունքների պետական գրանցումը: 3.Տարեկան վարձավճարը ենթակա է վճարման յուրաքանչյուր հաշվետու տարվա` պայմանագրի կնքման օրվանից սկսած մինչև տասնհինգերորդ օրը: Սահմանված ժամկետներում վճարումներ չկատարելու դեպքում կետանցի յուրաքանչյուր օրվա համար հաշվարկել տույժ` տարեկան վճարի գումարի 0.5 տոկոսի չափով: 4. Սույն որոշումից բխող գործառույթներն իրականացնել օրենսդրությամբ սահմանված կարգով: |