<<Տեղական ինքնակառավարման մասին>> Հայաստանի Հանրապետության օրենքի 16-րդ հոդվածի 20)-րդ կետով, համաձայն Հայաստանի Հանրապետության Հողային օրենսգրքի 71-րդ հոդվածի, Հայաստանի Հանրապետության Քաղաքացիական օրենսգրքի 293-րդ հոդվածի, Հայաստանի Հանրապետության կառավարության 2001 թվականի ապրիլի 12-ի <<Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին>> թիվ 286 որոշման 32-րդ կետի, 2006 թվականի ապրիլի 20-ի <<Հայաստանի Հանրապետության Սյունիքի մարզի Կապանի քաղաքային համայնքի վարչական սահմանների նկարագիրը հաստատելու և Կապանի քաղաքային համայնքի վարչական սահմաններում գտնվող` պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին>> թիվ 723-Ն 1. Համայնքի սեփականություն հանդիսացող գույքը` Գործարանային փողոցի 3/17 հասցեում գտնվող բնակավայրերի նշանակության այլ հողերից 0.0042հա հողամասը /ծածկագիր 09-001-1418-0020/ և Գործարանային փողոցի 3/18 հասցեում գտնվող բնակավայրերի նշանակության ընդհանուր օգտագործման 0.0987 հա հողամասը /ծածկագիր 09-001-1419-0001/ փոխանակել <<Զեփյուռ ԱՐՏ>> ՍՊ ընկերությանը պատկանող Գործարանային փողոցի 3/5/4 հասցեում գտնվող բնակավայրերի նշանակության այլ հողերից 0.09869 հա հողամասի /ծածկագիր 09-001-1418-0011/ հետ: 2. Գույքերի` հողամասերի փոխանակման հետևանքով փոխադարձ հաշվարկների արդյունքում առաջացած 0.00421հա հողամասի կադաստրային արժեքը` 34110 /երեսունչորս հազար մեկ հարյուր տասը/ դրամ գանձել համայնքի բյուջե: 3. Պարտավորեցնել <<Զեփյուռ ԱՐՏ>> ՍՊ ընկերությանը համայնքին հանձնվող հողամասում իր միջոցներով մեկ տարվա ընթացքում կառուցել ճանապարհ, մայթ, պաշտպանիչ գոտիներ, կատարել բարեկարգման, լուսավորության և ասֆալտապատման աշխատանքներ` համաձայն ճարտարապետահատակագծային առաջադրանքի: 4. Սույն որոշման 3-րդ կետով սահմանված աշխատանքների կատարումը, որպես նախապայման ներառել <<Զեփյուռ ԱՐՏ>> ՍՊ ընկերության հետ կնքվող գույքի փոխանակության պայմանագրում: 5. Սույն որոշումից բխող գործառույթներն իրականացնել օրենսդրությամբ սահմանված կարգով: |