Ղեկավարվելով «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 1-ին մասի 20)-րդ կետով, համաձայն Հայաստանի Հանրապետության Հողային օրենսգրքի 51-րդ, 52-րդ, 64-րդ, 72-րդ հոդվածների, Հայաստանի Հանրապետության կառավարության 2006 թվականի ապրիլի 20-ի «Հայաստանի Հանրապետության Սյունիքի մարզի Կապանի քաղաքային համայնքի վարչական սահմանների նկարագիրը հաստատելու և Կապանի քաղաքային համայնքի վարչական սահմաններում գտնվող` պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին» թիվ 723-Ն որոշման և հաշվի առնելով համայնքի ղեկավարի առաջարկությունը, որոշման նախագծի քվեարկության ——կողմ, —— դեմ, ձեռնպահ արդյունքներով, համայնքի ավագանին ո ր ո շ ու մ է. 1. Թույլատրել համայնքի ղեկավարին Երկաթուղայինների փողոցի 5-րդ նրբանցքում գտնվող, 1992-1995 թթ հայ-ադրբեջանական հակամարտության ընթացքում բնակարանների փոխանակության արդյունքում ձեռք բերած և պետական գրանցում ստացած բնակարանների, փաստացի՝ անհատական բնակելի տների, սպասարկման հողամասը սեփականության իրավունքով անհատույց տրամադրել բնակելի տան սեփականատիրոջը /սեփականատերերին/:
2. Սույն որոշումից բխող գործառույթներն իրականացնել օրենսդրությամբ սահմանված կարգով: |