Զեկ. ԿԱՐԵՆ ԳՐԻԳՈՐՅԱՆ

Ղեկավարվելով Տեղական ինքնակառավարման մասին Հայաստանի Հանրապետության օրենքի  18-րդ  հոդվածի 1-ին մասի 42-րդ կետով, Հայաստանի Հանրապետության Հողային օրենսգրքի 63-րդ հոդվածով, 71-րդ հոդվածի 3-րդ կետով, համաձայն Հայաստանի Հանրապետության կառավարության 2001 թվականի ապրիլի 12-ի թիվ 286 որոշմամբ հաստատված կարգի 32-րդ կետի,  հաշվի առնելով  պետական սահմանի պաշտպանությանը միտված Կապան համայնքի ղեկավարի   առաջարկությունը և հիմք ընդունելով Վարդգես Բալասանյանի և Արթուր Աղագուլյանի գրավոր համաձայնությունները,   Կապան համայնքի ավագանին   որոշում  է.

Կապան համայնքի Ճակատեն գյուղում գտնվող, սեփականության իրավունքով Վարդգես Բալասանյանին պատկանող 0.3845հա գյուղատնտեսական նշանակության վարելահողը (կադաստրային ծածկագիր՝ 09-061-0671-0009) փոխանակել Կապան համայնքի սեփականությունը հանդիսացող, Ճակատեն գյուղում գտնվող 1.0 հեկտար գյուղատնտեսական նշանակության վարելահողի (կադաստրային ծածկագիր՝ 09-061-0133-0017) հետ՝ պաշտպանական նպատակներով օգտագործելու համար:

2. Կապան համայնքի Ճակատեն գյուղում գտնվող, սեփականության իրավունքով Արթուր Աղագուլյանին պատկանող 0.371 հեկտար գյուղատնտեսական նշանակության վարելահողը (կադաստրային ծածկագիր՝ 09-061-0671-0008) փոխանակել Կապան համայնքի սեփականությունը հանդիսացող, Ճակատեն գյուղում գտնվող 1.0 հեկտար գյուղատնտեսական նշանակության վարելահողի (կադաստրային ծածկագիր՝ 09-061-0133-0016) հետ՝ պաշտպանական նպատակներով օգտագործելու համար:

3. Համայնքի ղեկավարին՝

1) 10-օրյա ժամկետում Վարդգես Բալասանյանի և Արթուր Աղագուլյանի հետ կնքել հողամասի փոխանակության պայմանագրեր՝ ապահովելով պայմանագրերից ծագող գույքային իրավունքների պետական գրանցումը:

2) Փոխանակության պայմանագրերից ծագող գույքային իրավունքների պետական գրանցումից հետո, պաշտպանական նպատակներով անհատույց սեփականության իրավունքով Հայաստանի Հանրապետությանը փոխանցելու համար, սկսել համայնքային սեփականություն ճանաչված 0.3845 և 0.371 հեկտար հողամասերի նպատակային նշանակության փոփոխության գործընթաց: