Ղեկավարվելով «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 20)-րդ կետով, համաձայն Կապան քաղաքային համայնքի ավագանու 2012 թվականի դեկտեմբերի 13-ի «Համայնքի սեփականություն համարվող գույքը վարձակալության իրավունքով օգտագործման տրամադրելու վարձավճարների չափերը հաստատելու մասին» թիվ 94-Ն որոշման, հաշվի առնելով քաղաքացի Գ. Կոստանդյանի, ռուս-հայկական հենակետային տեխնոլոգիաների կենտրոն «Էլենար» ՍՊ ընկերության կողմից ներկայացված դիմումները և համայնքի ղեկավարի առաջարկությունը, որոշման նախագծի քվեարկության 10 կողմ, 0 դեմ, 0 ձեռնպահ արդյունքներով, համայնքի ավագանին ո ր ո շ ու մ է.
Համաձայնություն տալ համայնքի ղեկավարի առաջարկությանը և թույլատրել համայնքի սեփականություն համարվող հետևյալ տարածքները վարձակալության իրավունքով տրամադրելու 1. Ք. Կապան, Չարենցի փողոցի թիվ 1 հասցեում գտնվող մշակույթի պալատի շենքի /վկայական թիվ 524096/ թիվ 1 մասնաշենքի տարածքից 76,9 քառ.մ ընդհանուր մակերեսով թիվ 7 և թիվ 8 սենյակները երեք տարի ժամկետով ձեռնարկատիրական գործունեություն իրականացնելու համար վարձակալության իրավունքով տրամադրել ք. Կապան, Ն. Վաչագան, տուն 10 հասցեի բնակիչ Գուրգեն Կոստանդյանին, սահմանելով ամսական 1 քառ. մետրի համար 800 /ութ հարյուր/ դրամ վարձավճար: 2.Ք. Կապան, Ռ. Մելիքյան փողոցի թիվ 8 հասցեում գտնվող Մանկապատանեկան ստեղծագործությնա կենտրոնի տարածքից 3-րդ հարկում գտնվող, 76,9 քառ. մետր ընդհանուր մակերեսով թիվ 3 և թիվ 6 սենյակներըերեք տարի ժամկետովվարձակալության իրավունքով տրամադրել ռուս-հայկական հենակետային տեխնոլոգիաների կենտրոն «Էլենար» սահմանափակ պատասխանատվությամբ ընկերությանը, սահմանել ամսական 1 քառ. մետրի համար 800 /ութ հարյուր/ դրամ վարձավճար: 3. Սույն որոշումից բխող գործառույթներն իրականացնել օրենսդրությամբ սահմանված կարգով: |