Ղեկավարվելով «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 2-րդ մասով, համաձայն «Հայաստանի Հանրապետության վարչատարածքային բաժանման մասին» օրենքի Հայաստանի Հանրապետության կառավարության 2005 թվականի դեկտեմբերի 9-ի «Հայաստանի Հանրապետության Սյունիքի մարզի Սյունիքի գյուղական համայնքի վարչական սահմանների նկարագիրը հաստատելու և Սյունիքի գյուղական համայնքի վարչական սահմաններում գտնվող` պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին» թիվ 2355-Ն, 2006 թվականի ապրիլի 20-ի «Հայաստանի Հանրապետության Սյունիքի մարզի Կապանի քաղաքային համայնքի վարչական սահմանների նկարագիրը հաստատելու և Կապանի քաղաքային համայնքի վարչական սահմաններում գտնվող` պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին» թիվ 723-Ն, 2000 թվականի դեկտեմբերի 16-ի «Հայաստանի Հանրապետության քաղաքացիական ավիացիայի համակարգի կառուցվածքային բարեփոխումների լրացուցիչ միջոցառումների մասին» թիվ 828, Սյունիք գյուղական համայնքի 2014 թվականի հուլիսի 18-ի «Սյունիք գյուղական համայնքի վարչական սահմաններում գտնվող, «Կապան» օդանավակայանի պետական սեփականություն հանդիսացող 39.682813 հա սպասարկման հողամասը վարչական սահմաններից հանելու և Կապանի քաղաքային համայնքի վարչական սահմաններում ընդգրկելու վերաբերյալ առաջարկությունը քննարկելու մասին» թիվ 29-Ա որոշումների և հաշվի առնելով համայնքի ղեկավարի առաջարկությունը, որոշման նախագծի քվեարկության կողմ, դեմ, ձեռնպահ արդյունքներով, համայնքի ավագանին ո ր ո շ ու մ է. 1. Տալ համաձայնություն Սյունիք գյուղական համայնքի վարչական սահմաններում գտնվող «Կապան» օդանավակայանի պետական սեփականություն հանդիսացող էներգետիկայի, կապի, տրանսպորտի, կոմունալ ենթակառուցվածքների օբյեկտների հողերից 39.682813 հա սպասարկման հողամասը Կապան քաղաքային համայնքի վարչական սահմաններում ընդգրկելուն: 2. Համայնքի ղեկավարին՝ ՀՀ օրենսդրությամբ սահմանված կարգով հարցը ներկայացնել իրավասու մարմինների քննարկմանը: |