Ղեկավարվելով «Տեղական ինքնակառավարման մասին» Հայաստանի Հանրապետության օրենքի 16-րդ հոդվածով, Հողային օրենսգրքի 26-րդ և 481-րդ հոդվածներով, «Իրավական ակտերի մասին» օրենքի 72-րդ հոդվածի 1. մասի 1) կետի բ) ենթակետով, համաձայն Հայաստանի Հանրապետության կառավարության 2010 թվականի հունվարի 14-ի թիվ 16-Ն որոշման «Հայաստանի Հանրապետության համայնքների վարչական սահմաններում ընդգրկված` պետական սեփականություն հանդիսացող հողամասերի օտարման, անհատույց /մշտական/ օգտագործման, վարձակալության և կառուցապատման իրավունքով տրամադրման» կարգի, 2001 թվականի ապրիլի 12-ի «Պետական և համայնքային սեփականություն հանդիսացող հողամասրի օտարման, կառուցապատման իրավունքի և օգտագործման տրամադրման կարգը հաստատելու մասին» թիվ 286 որոշման 46.2. կետի դ) ենթակետի, Կապան քաղաքային համայնքի ավագանու 2012 թվականի դեկտեմբերի 13-ի «Համայնքի վարչական սահմաններում գտնվող պետականև համայնքային սեփականություն համարվող հողամասերն ուղղակի կառուցապատման և /կամ/ վարձակալության իրավունքով օգտագործման տրամադրելու վարձավճար սահմանելու մասին» թիվ 96-Ն որոշման և հաշվի առնելով «Դանդի Փրիշս Մեթալս Կապան» ՓԲ ընկերության 2014 թվականի սեպտեմբերի 24-ի թիվ 410 գրությունը և համայնքի ղեկավարի առաջարկությունը, որոշման նախագծի քվեարկության կողմ, դեմ, ձեռնպահ արդյունքներով, համայնքի ավագանին ո ր ո շ ու մ է. 1.Պետական սեփականություն համարվող Ողջի գետի 856.0 նիշում, Բաղաբերդ թաղամասի թիվ 26 շենքի հարևանությամբ 0,00278 հա հողամասը /ծածկագիր 09-001-1717-01/ ջրընդունիչ կետ կառուցելու նպատակով ուղղակի կառուցապատման իրավունքով օգտագործման տրամադրել «Դանդի Փրիշս Մեթալս Կապան» ՓԲ ընկերությանը` վարձավճար սահմանելով տարեկան 36140.0 /երեսունվեց հազար մեկ հարյուր քառասուն/ դրամ: 2.Ուժը կորցրած ճանաչել Կապան քաղաքային համայնքի ավագանու 2011 թվականի նոյեմբերի 17-ի «Պետական սեփականություն համարվող Ողջի գետի 856.0 նիշում, Բաղաբերդ թաղամասի թիվ 26 շենքի հարևանությամբ 18,0 քառ.մ. հողամասն ուղղակի կառուցապատման իրավունքով «Դանդի Փրիշս Մեթալս Կապան» ՓԲ ընկերությանը օգտագործման տրամադրելու մասին» թիվ 100-Ա որոշումը: 3.Սույն որոշումից բխող գործառույթներն իրականացնել օրենսդրությամբ սահմանված կարգով: |