Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 22)-րդ կետով, Քաղաքացիական օրենսգրքի 188-րդ հոդվածի 2-րդ կետով, համաձայն Հայաստանի Հանրապետության կառավարության 2006 թվականի մայիսի 18-ի «Պետական կամ համայնքային հողամասերում գտնվող ինքնակամ կառույցների նկատմամբ պետության կամ համայնքների սեփականության իրավունքի պետական գրանցման կարգը հաստատելու մասին» թիվ    731-Ն, 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն ,2005 թվականի դեկտեմբերի 29-ի «Հայաստանի Հանրապետության քաղաքային և գյուղական բնակավայրերում ներբնակավայրային աշխարհագրական օբյեկտների անվանակոչման, անվանափոխման, անշարժ գույքի` ըստ դրա գտնվելու և (կամ) տեղակայման վայրի համարակալման, հասցեավորման ու հասցեների պետական գրանցման կարգը հաստատելու և հասցեների գրանցման լիազոր մարմին սահմանելու մասին» թիվ 2387-Ն որոշումների, «Նորմատիվ իրավական ակտերի մասին» ՀՀ օրենքի 37 հոդվածով և քննության առնելով Գուրգեն Թևանյանի դիմումը.    ո ր ո շ ու մ ե մ

1.Համայնքի Կապան քաղաքի Լեռնագործների փողոցի թիվ 5/20 հասցեում գտնվող ավտոտնակին կից Գուրգեն Թևանյանի կողմից ինքնակամ կառուցած 9,25 քառ.մ ընդհանուր արտաքին մակերեսով երկհարկանի շինությունը, որի առաջին հարկում 4.03  քառ.մ ավտոտնակ է, իսկ 2-րդ հարկում 5.21  քառ.մ ծածկ, որի  պահպանումը չի խախտում այլ անձանց իրավունքները և օրենքով պահպանվող շահերը և վտանգ չի սպառնում քաղաքացիների կյանքին և առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, չի առաջացնում հարկադիր սերվիտուտ պահանջելու իրավունք, ճանաչել օրինական և համարել համայնքային սեփականություն` առանձնացնելով 0.00052 հա սպասարկման հողամաս:

2. Ավտոտնակին տրամադրել հասցե. Սյունիքի մարզ, Կապան համայնք, ք.Կապան, Լեռնագործների փողոցի թիվ 5/20/1:

3.Ուժը կորցրած ճանաչել համայնքի ղեկավարի 2019 թվականի դեկտեմբերի 13 -ի     N 1573-Ա որոշումը: