Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 29-րդ կետով, Հողային օրենսգրքի 3-րդ հոդվածի 1-ին կետով, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն, Հայաստանի Հանրապետության կառավարության 2001 թվականի ապրիլի 12-ի թիվ 286 որոշմամբ հաստատված կարգի 44-րդ կետի ը) ենթակետով, Կապան համայնքի ավագանու 2021 թվականի մարտի 17-ի 31-Ա որոշումներով, հիմք ընդունելով էներգետիկայի և բնական պաշարների նախարարության կողմից 2012 թվականի նոյեմբերի 27-ին տրված ՇԱԹՎ-29/232 (նախկին 14/179) օգտակար հանածոյի արդյունահանման թույլտվությունը, թիվ ԼՎ-232 լեռնահատկացման ակտը և էներգետիկայի և բնական պաշարների նախարարի 2016 թվականի դեկտեմբերի 29-ի ընդերքի տեղամասի ընդլայնման և թույլտվության ժամկետի երկարաձգման մասին թիվ 134-Ա հրամանը և համայնքի  ղեկավարի  առաջարկությունը, համայնքի ավագանին ո ր ո շ ու մ  է.

1. Համաձայն Սյունիք-1 միկրոռեգիոնալ մակարդակի տարածական պլանավորման փաստաթղթերում ներառված Սևաքար բնակավայրի համակցված փաստաթղթի`  N1 և N2 հավելվածներով.

ա)  համայնքային սեփականություն հանդիսացող 145.51442 հեկտար հողամասը, որից գյուղատնտեսական նշանակության վարելահող` 97.50816 հա, գյուղատնտեսական նշանակության այլ հողատեսքեր 48.00626 հա.

բ) պետական սեփականություն հանդիսացող 65.46768  հա հողամասը, որից անտառային նշանակության թփուտներ 63,43368 հա, հատուկ պահպանվող տարածքների հողերի պատմական և մշակութային 2,034 հա. 

փոխադրել արդյունաբերության, ընդերքօգտագործման և այլ արտադրական նշանակության հողերի կատեգորիա՝ «արդյունաբերական օբյեկտների» հողեր գործառնական նշանակությամբ (հատված  ԱնԱ-1, ԱնԱ-2, ԱնԱ-3, ԱնԱ-4, ԱնԱ-5, ԳԱ-1, ԳԱ-2, ԳԱ-3, ԳԱ-4, ԳԱ-5, ԳԱ-6, ԳԱ-7, ԳԱ-8, ԳԱ-9, ԳԱ-10, ԳԱ-11, ԳԱ-12, ԳԱ-13, ԳԱ-14, ԳԱ-15, ԳԱ-16, ԳԱ-17, ԳԱ-18, ԳԱ-19, ՀԱ-1):

2. Սույն որոշման 1-ին կետի ա) ենթակետով նշված արդյունաբերության, ընդերքօգտագործման և այլ արտադրական նշանակության հողերի կատեգորիա փոխադրված հողամասերը պետական գրանցում կատարելուց հետո որպես արտադրական կեխտաջրերի պոչամբար  առանց մրցույթի կառուցապատման իրավունքով մինչև 2041 թվականի մայիսի  30-ը տրամադրել «Զանգեզուրի պղնձամոլիբդենային կոմբինատ» ՓԲ ընկերությանը, մեկ հեկտար հողամասի համար սահմանելով` 1 033 690 /մեկ միլիոն երեսուներեք հազար վեց հարյուր իննսուն/ դրամ տարեկան վճար :

3. Սույն որոշման 1-ին կետի բ) ենթակետով նշված արդյունաբերության, ընդերքօգտագործման և այլ արտադրական նշանակության հողերի կատեգորիա փոխադրված հողամասերը պետական գրանցում կատարելուց հետո որպես արտադրական կեխտաջրերի պոչամբար  առանց մրցույթի «Զանգեզուրի պղնձամոլիբդենային կոմբինատ» ՓԲ ընկերությանը կառուցապատման իրավունքով տրամադրման  մեկ հեկտար հողամասի համար սահմանել 1 033 690 / մեկ միլիոն երեսուներեք հազար վեց հարյուր իննսուն / դրամ տարեկան վճար:

3. Համայնքի ղեկավարին՝ ձեռնարկել սույն որոշումից բխող գործառույթների իրականացումն: