Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, համաձայն Հայաստանի Հանրապետության Հողային օրենսգրքի 66-րդ հոդվածի 1-ին մասի 8-րդ կետի, հիմք ընդունելով Անշարժ գույքի նկատմամբ իրավունքների պետական գրանցման թիվ 11122019-09-0036 վկայականը, համայնքի ղեկավարի 2019թվականի դեկտեմբերի 18-ի թիվ 1608-Ա որոշումը և հաշվի առնելով համայնքի  ղեկավարի  առաջարկությունը,  համայնքի ավագանին         ո  ր ո շ ու մ  է.

1.ՀՀ Սյունիքի մարզի Կապան համայնքի Ա.Մանուկյան փողոցի 1-ին նրբ. թիվ 1/32  հասցեում գտնվող, համայնքային սեփականություն հանդիսացող  բնակավայրերի նշանակության հասարակական  կառուցապատման  հողերից 0.00087 հա հողամասը /ծածկագիր 09-001-0630-0492/ Ա.Մանուկյան փողոցի 1/3-1/7 հասցեում գտնվող հյուրանոցային և ռեստորանային համալիրի ընդլայնման նպատակով ուղղակի վաճառքի միջոցով օտարել Սիլվա Բաղդասարյանին 7050 /յոթհազար հիսուն/ դրամ կադաստրային արժեքով: 

2.Համայնքի ղեկավարին՝ սույն որոշումից բխող գործառույթներն իրականացնել օրենսդրությամբ սահմանված կարգով: