Այսօր փետրվարի 6-ին համայնքի ղեկավար Գևորգ Փարսյանը հյուրընկալեց «Կապանի լեռնահարստացման կոմբինատ» ՓԲԸ գլխավոր տնօրեն Դավիթ Թովմասյանին և «Չաարատ Գոլդ Հոլդինգս» ընկերության սեփականատեր Արտյոմ Վոլինեցին։
Զրուցակիցները քննարկեցին երկկողմ հարաբերություններին առնչվող հարցեր՝ կարևորելով ձեռնարկության դերը համայնքի սոցիալ-տնտեսական և հոգևոր-մշակութային կյանքի զարգացման գործում, ինչպես նաև կարևորեցին փոխադարձ հետաքրքրություն ներկայացնող ոլորտներում համագործակցության հետագա խորացմանն ու ամրապնդմանն ուղղված համատեղ քայլերի ձեռնարկումը։