Հնդկաստանի միջազգային տեխնիկական և տնտեսական համագործակցության (ITEC) ծրագրի շրջանակներում 2017-2018թթ. ընթացքում կազմակերպվում են դասընթացներ, որոնց մասնակցելու են հրավիրվում 25 մասնագետ Հայաստանից: Հնդկական կողմը կատարում է թեկնածուների վերջնական ընտրությունը, ինչպես նաև հոգում է բոլոր ծախսերը: Դասընթացների մասին մանրամասն տեղեկությունները, ինչպես նաև լրացման հարցաթերթիկը կարելի է գտնել www.indianembassy.am ինտերնետային կայքում: Բոլոր մասնակիցները պետք է գրանցվեն առցանց http://www.itecgoi.in/index.php կայքում:
Դասընթացներին մասնակցելու համար անհրաժեշտ է ապահովել թեկնածության ներկայացման և հարցաթերթիկի լրացման հետևյալ պայմանները.
- անհրաժեշտ է առնվազն 5 տարվա աշխատանքային փորձ, դասընթացի մասնակիցը պետք է լինի 25-45 տարեկան, անհրաժեշտ է ներկայացնել առողջության մասին բժշկական տեղեկանք, անգլերեն լեզվի իմացությունը պարտադիր է, լեզվի իմացությունը հաստատվում է ուսումնական հաստատության փաստաթղթով (դիպլոմ, հավաստագիր) կամ լեզվի ուսուցման որևէ կենտրոնի կողմից տրված տեղեկանքով:
- հարցաթերթիկը լրացվում է համակարգչային շարվածքով և ՀՀ Սյունիքի մարզպետարան ներկայացվում 3 օրինակից (բնօրինակ և պատճեններ)
- 3X4սմ չափսի 3 լուսանկար:
- Հաշվի առնելով, որ հայտերի ընդունման էլեկտրոնային, կենտրոնացված համակարգի եղանակով տեղերը արագ լրանում են, դիմումները պետք է ներկայացվեն ՀՀ Սյունիքի մարզպետարան դասընթացի սկսվելու օրից առնվազն 3 ամիս առաջ կամ ավելի շուտ:
Թեկնածուների համապատասխան փաստաթղթերը ՀՀ Սյունիքի մարզպետարանը կհավաքագրի և կներակայացնի ԱԳՆ-ին` հնդկական կողմին փոխանցելու նպատակով: