Կապանի համայնքապետարանից տեղեկացնում են, որ «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի և ՀՀ Կառավարության 2014 թվականի նոյեմբերի 19-ի N 1325-Ն որոշման համաձայն, 2017 թվականի նոյեմբերի 1-ին, ժամը 14:00-ին, Կապանի համայնքապետարանի նիստերի դահլիճում /հասցե՝ ք. Կապան, Ա. Մանուկյան 5ա/ տեղի կունենա «ՎԻԿԱՐՏ» ՍՊ ընկերության ՀՀ Սյունիքի մարզի Կապանի ավազակոպճագլաքարային խառնուրդի երևակման տարածքում օգտակար հանածոյի երկրաբանական ուսումնասիրության աշխատանքների շրջակա միջավայրի վրա ազդեցության նախնական գնահատման հայտի և փորձաքննական գործընթացի վերաբերյալ հանրային քննարկումներ:
Միաժամանակ հայտնում ենք, որ ուսումնասիրության արդյունքում նախատեսվում է հայտին ընթացք տալ «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի 16-րդ հոդվածի 5-րդ մասի 5-րդ կետի շրջանակներում:
Գրավոր դիտողությունները և առաջարկությունները կարող եք ներկայացնել Կապանի համայնքապետարան /ք. Կապան, Ա. Մանուկյան 5ա, հեռախոս 0285 4 26 66, kapan.syuniq@mta.gov.am/ կամ «ՎԻԿԱՐՏ» ՍՊԸ /հասցե՝ ք. Կապան, Թումանյան 9/3, հեռախոս 099994222/:
Փաստաթղթերին կարելի է ծանոթանալ Կապանի համայնքապետարանի /kapan.am/ և Բնապահպանության նախարարության /mnp.am/ /հասցե՝ ք.Երևան, Կոմիտասի 29, հեռախոս 010 22 02 18/ պաշտոնական կայքերում: