«Շրջակա միջավայրի վրա ազդեցության գնահատման և փորձաքննության մասին» ՀՀ օրենքով սահմանված կարգով նախնական փորձաքննության գործընթացի շրջանակներում 2018թ. մայիսի 5-ին` ժամը 15:00-ին, Կապանի համայնքապետարանի նիստերի դահլիճում՝ ՀՀ, 3301, Սյունիքի մարզ, Կապան, Արամ Մանուկյան փող., 5ա շենք հասցեում, տեղի կունենա հանրային քննարկում «Կապանի ԼՀԿ» ՓԲԸ-ի կողմից 2018թ. ընթացքում նախատեսվող՝ ՀՀ Սյունիքի մարզի Կապան համայնքի վարչական սահմաններում գտնվող Շահումյան բանավանի տարածքում տեղի ունեցած փլուզման հետևանքների վերացման միջոցառումների ծրագրի վերաբերյալ։
Փլուզումը տեղի է ունեցել 2007թ․ ամռանը՝ Շահումյանի հանքի 11-րդ երակի պաշտպանիչ բնամասի քայքայման հետևանքով։ Նախատեսվող գործունեության շրջանակներում ծրագրվում է դատարկ ապարների տեղակայմամբ վերացնել փլուզման հետևանքով ձևավորված փոսը և հողի բերրի շերտով ծածկելով ու տարածքը կանաչապատելով՝ վերականգնել լանդշաֆտի նախկին տեսքը:
Հանրային քննարկումն իրականացնում են «Կապանի ԼՀԿ» ՓԲ ընկերությունը և Կապան համայնքի ղեկավարը՝ համատեղ:
Նախատեսվող գործունեության վերաբերյալ տեղեկատվություն կարող եք ներբեռնել սույն հայտարարությանը կցված հավելվածից, ինչպես նաև՝ տեղեկատվության համար այցելելով ՀՀ Սյունիքի մարզի Կապան համայնքապետարանի վարչական շենք՝ (ՀՀ, 3301, Սյունիքի մարզ, Կապան, Արամ Մանուկյան փող., 5ա շենք) կամ զանգահարելով +374-285-42036, 060521818 հեռախոսահամարներով, կամ գրելով kapan.syuniq@mta.gov.am էլ. հասցեին: Հանրությունը կարող է գրավոր դիտողություններ և առաջարկություններ ներկայացնել սույն ծանուցումից հետո 18 աշխատանքային օրվա ընթացքում:
Ընկերության հասցեն՝ ՀՀ 0032, Սյունիքի մարզ, ք. Կապան, Գործարանային 4: Էլ. հասցե՝ kapan.pr@polymetal.am: