«Կապանի ԼՀԿ» ՓԲԸ-ն (այսուհետ՝ Ընկերություն) և ՀՀ Սյունիքի մարզի Կապանի համայնքապետարանը տեղեկացնում են, որ 2019թ. մայիսի 3-ին, ժամը 15:00-ին, Կապանի համայնքապետարանի շենքում՝ ՀՀ, 3301, Սյունիքի մարզ, Կապան, Արամ Մանուկյան փող., 5ա շենք հասցեով, տեղի կունենա հանրային քննարկում ՀՀ Սյունիքի մարզի Շահումյանի ոսկի-բազմամետաղային հանքավայրի ստորգետնյա եղանակով մշակման տեխնիկական նախագծում փոփոխություններ կատարելու ծրագրի (այսուհետ՝ Նախատեսվող գերծունեություն) իրականացման շրջակա միջավայրի վրա ազդեցության գնահատման (այսուհետ՝ ՇՄԱԳ) հաշվետվության վերաբերյալ: Հանրային քննարկումն իրականացվում է «Շրջակա միջավայրի վրա ազդեցության գնահատման և փորձաքննության մասին» ՀՀ օրենքով և ՀՀ կառավարության 2014 թվականի նոյեմբերի 19-ի N 1325-Ն որոշմամբ սահմանված կարգով՝ հիմնական գնահատման գործընթացի շրջանակներում (երրորդ քննարկում):
Նախագծում արվող փոփոխությունները միտված են Շահումյանի ոսկի-բազմամետաղային հանքավայրի շահագործման օպտիմալացմանը և բարելավմանը, շրջակա միջավայրի վրա ազդեցությունների մեղմմանը և նվազեցմանը: Արտադրողականության ծավալի փոփոխություն չի նախատեսվում:
Ծրագրի ՇՄԱԳ-ն իրականացվել և ՇՄԱԳ հաշվետվությունը կազմվել է ՀՀ բնապահպանության նախարարության «Շրջակա միջավայրի վրա ազդեցության փորձաքննական կենտրոն» ՊՈԱԿ-ի կողմից տրված տեխնիկական առաջադրանքի հիման վրա:
Ծրագրի ՇՄԱԳ հաշվետվությունը և նախագծային փաստաթղթերն էլ. տարբերակով կարող եք ներբեռնել www.kapan.am կայքից, ինչպես նաև՝ այցելելով ՀՀ Սյունիքի մարզի Կապան համայնքի վարչական շենք՝ ՀՀ, 3301, Սյունիքի մարզ, Կապան, Արամ Մանուկյան փող., 5ա հասցեով, կամ զանգահարելով 028540136 հեռախոսահամարով կամ գրելով kapan-ecology@mail.ru էլ. հասցեով: Հանրությունը կարող է գրավոր դիտողություններ և առաջարկություններ ներկայացնել սույն ծանուցումից հետո 18 աշխատանքային օրվա ընթացքում:
Ընկերության հասցեն՝ ՀՀ 0032, Սյունիքի մարզ, ք. Կապան, Գործարանային 4: Էլ. հասցե՝ info@chaarat.am: