«Ընկերությունների կողմից վճարվող բնապահպանական հարկի նպատակային օգտագործման մասին» ՀՀ օրենքի և ՀՀ կառավարության 2014 թվականի փետրվարի 27-ի «Բնահպանական ծրագրերի մշակման /նախագծման/ կարգը հաստատելու մասին» թիվ 197-Ն որոշման դրույթների համաձայն, 2020 թվականի հունիսի 17-ին ժամը 15։00-ին Կապանի համայնքապետարանի նիստերի դահլիճում կազմակերպվելու է «Կապան համայնքի շրջական միջավայրի և բնակչության առողջության պահպանման» 2021 թվականի ծրագրի նախագծային փաթեթի հանրային քննարկում /ծրագրային փաթեթը կցված է հայտարարությանը/։
COVID 19 վիրուսի տարածման վտանգի կանխարգելման նպատակով արտակարգ իրավիճակով պայմանավորված՝ հիմք ընդունելով ՀՀ կառավարության 2018 թվականի հոկտեմբերի 10-ի թիվ 1146-Ն որոշմամբ հաստատված «Հանրային քննարկումների կազմակերպման և անցկացման» կարգի 23-րդ կետը՝ «Կապան համայնքի շրջական միջավայրի և բնակչության առողջության պահպանման» 2021 թվականի ծրագրի նախագծային փաթեթի հանրային քննարկումը կկազմակերպվի հեռավար։
Առաջարկում ենք շահագրգիռ իրավաբանական և ֆիզիկական անձանց ծանոթանալ ծրագրի նախագծային փաթեթին և մինչև 2020 թվականի հունիսի 17-ը ժամը 12։00 ներկայացնել առաջարկություններ, դիտողություններ և կարծիքներ kapanmayor@gmail.com էլեկտրոնային փոստով կամ քաղաք Կապան, Ա․ Մանուկյան 5ա հասցեով։ Հարցերի դեպքում կարող եք զանգահարել +374 285 42036 հեռախոսահամարով։
Հանրային քննարկման ընթացքում կներկայացվեն ծրագրի նախագծային փաթեթը, նախագծի հետ կապված առաջարկությունները, կարծիքները և դիտողությունները, կտրվեն համապատասխան պարզաբանումներ և պատասխաններ։
Հանրային քննարկման հղումը հասանելի կլինի Կապանի համայնքապետարանի պաշտոնական կայքէջի առցանց հեռարձակումներ բաժնում՝ https://www.youtube.com/channel/UC121Ys3dohieKHqIjjF8unQ, ինչպես նաև նախապես կտարածվի Կապանի համայնքապետարանի ֆեյսբուքյան էջի միջոցով։
Հանրային քննարկմանը նույնպես հնարավորություն կլինի ներկայացնելու առաջարկություններ՝ մեկնաբանություն թողնելով ուղիղ հեռարձակման ընթացքում։