Կապանի համայնքապետարանից տեղեկացնում են, որ 2020 թվականի դեկտեմբերի 24-ին ժամը 15։00-ին տեղի կունենա Կապան համայնքի 2021 թվականի բյուջեի /ծրագրային բյուջեի հակիրճ տարբերակը կցվում է/ հանրային քննարկումը։
Առաջարկում ենք շահագրգիռ իրավաբանական և ֆիզիկական անձանց ծանոթանալ փաթեթին և մինչև 2020 թվականի դեկտեմբերի 23-ը ժամը 18։00 ներկայացնել առաջարկություններ, դիտողություններ և կարծիքներ kapanmayor@gmail.com էլեկտրոնային փոստով կամ քաղաք Կապան, Ա․ Մանուկյան 5ա հասցեով։ Հարցերի դեպքում կարող եք զանգահարել +374 285 42586 հեռախոսահամարով։
COVID 19 վիրուսի տարածման վտանգի կանխարգելմամբ և ռազմական դրությամբ պայմանավորված՝ հիմք ընդունելով ՀՀ կառավարության 2018 թվականի հոկտեմբերի 10-ի թիվ 1146-Ն որոշմամբ հաստատված «Հանրային քննարկումների կազմակերպման և անցկացման» կարգի 23-րդ կետը՝ Կապան համայնքի 2021 թվականի բյուջեի հանրային քննարկումը կկազմակերպվի հեռավար՝ 2020 թվականի դեկտեմբերի 24-ին ժամը 15։00-ին։ Հանրային քննարկման ընթացքում կներկայացվեն ծրագրի նախագծային փաթեթը, նախագծի հետ կապված առաջարկությունները, կարծիքները և դիտողությունները, կտրվեն համապատասխան պարզաբանումներ և պատասխաններ։
Հանրային քննարկման հղումը հասանելի կլինի Կապանի համայնքապետարանի պաշտոնական կայքէջի առցանց հեռարձակումներ բաժնում։