Կապանի համայնքապետարանից տեղեկացնում են, որ 2021 թվականի հունվարի 25-ին ժամը 15։00-ին Կապանի համայնքապետարանի նիստերի դահլիճում տեղի կունենա Կապան համայնքի 2021 թվականի տարեկան աշխատանքային պլանի, Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի ծրագրերի /ՏԱՊ-ի և սուբվենցիայի ծրագրերի ամփոփը կցվում է/ հանրային քննարկումը, ինչպես նաև Կապան համայնքի 2020 թվականի բյուջեի կատարման վերաբերյալ տարեկան հաշվետվությունը։
Առաջարկում ենք շահագրգիռ իրավաբանական և ֆիզիկական անձանց ծանոթանալ 2021 թվականին նախատեսվող ծրագրերին և միջոցառումներին և մինչև 2021 թվականի հունվարի 25-ը ժամը 10։00-ը ներկայացնել առաջարկություններ, դիտողություններ և կարծիքներ kapanmayor@gmail.com էլեկտրոնային փոստով կամ քաղաք Կապան, Ա․ Մանուկյան 5ա հասցեով։ Հարցերի դեպքում կարող եք զանգահարել +374 285 42036 հեռախոսահամարով։
COVID 19 վիրուսի տարածման վտանգի կանխարգելմամբ և ռազմական դրությամբ պայմանավորված՝ հիմք ընդունելով ՀՀ կառավարության 2018 թվականի հոկտեմբերի 10-ի թիվ 1146-Ն որոշմամբ հաստատված «Հանրային քննարկումների կազմակերպման և անցկացման» կարգի 23-րդ կետը՝ Կապան համայնքի 2021 թվականի տարեկան աշխատանքային պլանի և սուբվենցիայի ծրագրերի հանրային քննարկումը կկազմակերպվի նաև հեռավար։ Հանրային քննարկման ընթացքում կներկայացվեն տարեկան աշխատանքային պլանում ներառված ծրագրերը և միջոցառումները՝ ըստ համայնքի պարտադիր խնդիրների, սուբվենցիայի ծրագրերը, ներկայացված առաջարկությունները, կարծիքները և դիտողությունները, կտրվեն համապատասխան պարզաբանումներ և պատասխաններ։
Հանրային քննարկման հղումը հասանելի կլինի Կապանի համայնքապետարանի պաշտոնական կայքէջի առցանց հեռարձակումներ բաժնում։