Հայաստանի Հանրապետության Սյունիքի մարզի Կապան համայնքի ղեկավարի առաջին տեղակալ Գոռ Թադևոսյանս քննելով անհատ ձեռնարկատեր Գայանե Բաղդասարյանի նկատմամբ հարուցված վարչական իրավախախտման վերաբերյալ գործը, պ ա ր զ ե ց ի

Անհատ ձեռնարկատեր Գայանե Բաղդասարյանը Կապան քաղաքի Շահումյան փողոցի 11/1 հասցեում՝ ոչ սահմանված տեղում իրականացնում է մրգերի և բանջարեղենի առևտուր։ Նշվածի վերաբերյալ 02.08.2022թ-ին կազմվել է «Վարչական իրավախախտման վերաբերյալ» արձանագրություն։ 

Անհատ ձեռնարկատեր Գայանե Բաղդասարյանը պատշաճ ծանուցվել է վարչական իրավախախտման վերաբերյալ գործի քննության տեղի և ժամանակի մասին, ներկայացել է գործի քննությանը, սակայն որևէ առարկություն չի ներկայացրել կազմված արձանագրության դեմ։  

Վարչական իրավախախտումների վերաբերյալ Հայաստանի Հանրապետության օրենսգրքի 8-րդ հոդվածի համաձայն՝ «Վարչական իրավախախտում կատարած անձը ենթակա է պատասխանատվության իրավախախտումը կատարելու ժամանակ և վայրում գործող օրենսդրության հիման վրա:»։ 

Իրավախախտման կատարման պահին գործող խմբագրությամբ Վարչական իրավախախտումների վերաբերյալ Հայաստանի Հանրապետության օրենսգրքի 162-րդ հոդվածի 1-ին մասը սահմանում է․ «Ոչ սահմանված տեղերում առևտուր իրականացնելը (․․․) առաջացնում է տուգանքի նշանակում՝ սահմանված նվազագույն աշխատավարձի յոթանասունապատիկից մինչև հարյուրապատիկի չափով:»:

 Այսինքն՝ անհատ ձեռնարկատեր Գայանե Բաղդասարյանը կատարել է վարչական իրավախախտում (զանցանք), որը նախատեսված է Վարչական իրավախախտումների վերաբերյալ Հայաստանի Հանրապետության օրենսգրքի 162-րդ հոդվածի 1-ին մասով, մեղավոր է այն կատարելու մեջ և ենթակա է վարչական պատասխանատվության։

 Հաշվի առնելով վերը շարադրված հիմնավորումները և ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի   1-ին մասի 26-րդ կետով, Վարչական իրավախախտումների վերաբերյալ Հայաստանի Հանրապետության օրենսգրքի 8-րդ, 32-րդ, 162-րդ, 2191-րդ, 281-րդ և 282-րդ հոդվածներով՝ ո ր ո շ ո ւ մ  ե մ

 1. Անհատ ձեռնարկատեր Գայանե Բաղդասարյանին՝ Վարչական իրավախախտումների վերաբերյալ Հայաստանի Հանրապետության օրենսգրքի 162-րդ հոդվածի 1-ին մասով նախատեսված վարչական իրավախախտում կատարելու համար որպես վարչական տույժ նշանակել տուգանք՝ սահմանված նվազագույն աշխատավարձի հարյուրապատիկի 100000 (հարյուր հազար) ՀՀ դրամի  չափով:

 2. Նշանակված տուգանքները ենթակա են վճարման (ՀՀ ՖՆ գործառնական վարչության հ/հ 900315201153) սույն որոշումը հանձնելու օրվանից ոչ ուշ, քան  տասնհինգ օրվա ընթացքում, իսկ որոշումը գանգատարկելու կամ բողոքարկելու դեպքում` գանգատը կամ բողոքը առանց բավարարման թողնելու մասին ծանուցման օրվանից ոչ ուշ, քան տասնհինգ օրվա ընթացքում:  

3. Սույն որոշումն ուժի մեջ է մտնում վարչական ակտի հասցեատիրոջը ՀՀ օրենսդրությամբ սահմանված կարգով իրազեկելուն հաջորդող օրվանից։

4. Սույն որոշումը կարող է բողոքարկվել վարչական կարգով՝ այն ուժի մեջ մտնելուց հետո՝ երեսուն օրվա ընթացքում, իսկ դատական կարգով՝ երկամսյա ժամկետում։

5. Նշանակված տուգանքների վճարումը չկատարելու դեպքում՝ որոշումն օրենքով սահմանված կարգով անբողոքարկելի դառնալուց հետո կներկայացվի հարկադիր կատարման։