Ղեկավարվելով Տեղական ինքնակառավարման մասին Հայաստանի Հանրապետության օրենքի 38-րդ հոդվածի 7-րդ կետով, 35-րդ հոդվածի 24-րդ կետով, 47-րդ հոդվածի դրույթներով և հաշվի առնելով Համահայկական խաղեր մարզական միջոցառման կանոնակարգը, ծրագրերը, հիմք ընդունելով համայնքի ավագանու 2018 թվականի դեկտեմբերի 27-ի Կապան համայնքի 2019 թվականի բյուջեն հաստատելու մասին թիվ 145-Ն որոշումը, ո ր ո շ ու մ ե մ․

1.             Համահայկական ամառային յոթերորդ խաղերին Կապան համայնքը աթլետիկա, սեղանի թենիս, հրաձգություն, շախմատ մարզաձևերից լավագույն ձևով նախապատրաստվելու և մասնակցելու համար հանձնարարել՝

1)            Կապանի համայնքապետարանի աշխատակազմի կրթության, մշակույթի և սպորտի բաժնի գլխավոր մասնագետ Արշամ Սարգսյանին՝ ըստ մարզաձևերի կանոնակարգերի կազմել մրցումների ժամանակացույցը, ծախսերի նախահաշիվը և ներկայացնել հաստատման։

2)            Ֆինանսական բաժնի պետ Իվետա Թադևոսյանին՝ համապատասխան գործողություններ իրականացնել գնումների գործընթացը, գործուղման ծախսերը սահմանված կարգով  ապահովելու նպատակով և նախահաշվով նախատեսված գումարի հատկացումը համայնքի բյուջեի 08 բաժնի  01 խմբի 01 դասի 4221 և 4269 հոդվածներից։