Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42)-րդ կետով, «Գույքահարկի մասին» Հայաստանի Հանրապետության օրենքի 8-րդ հոդվածի 2-րդ մասի 5)-րդ կետով, 15-րդ հոդվածի 4-րդ մասով, համաձայն Հայաստանի Հանրապետության Կառավարության 2003 թվականի մայիսի 22-ի «Գույքահարկով հարկվող օբյեկտ համարվող շենքերի և շինությունների ու դրանց գնահատությունների, ինչպես նաև փոխադրամիջոցների վերաբերյալ տեղեկությունների ներկայացման կարգը սահմանելու մասին» թիվ 641-Ն և 2015 թվականի հունիսի 25-ի «Տրանսպորտային միջոցները խոտանված համարելու և տրանսպորտային միջոցների սեփականության իրավունքի պետական գրանցման և պետական հաշվառման /վերահաշվառման/ համակարգչային շտեմարանից հանելու մասին» թիվ 708-Ա որոշումների, հիմք ընդունելով Հայաստանի Հանրապետության ոստիկանության «Ճանապարհային ոստիկանություն» ծառայության կողմից ներկայացված՝ Կապան համայնքում 2016 թվականի դեկտեմբերի 31-ի դրությամբ գրանցված՝ խոտանված տրանսպորտային միջոցների ցանկը և հաշվի առնելով համայնքի ղեկավարի առաջարկությունը, որոշման նախագծի քվեարկության 8 կողմ, 0 դեմ, 0 ձեռնպահ արդյունքներով, համայնքի ավագանին ո ր ո շ ու մ է.
1. Համայնքապետարանի եկամուտների հաշվառման էլեկտրոնային բազայի գործող հատվածից հանել տրանսպորտային միջոցների սեփականության իրավունքի պետական գրանցման և պետական հաշվառման (վերահաշվառման) համակարգչային շտեմարանի գործող հատվածից հանված հետևյալ փոխադրամիջոցները՝ համաձայն հավելվածի:
2. Նշված փոխադրամիջոցների գույքահարկի գծով պարտավորությունները 5 109 363 /հինգ միլիոն մեկ հարյուր ինը հազար երեք հարյուր վաթսուներեք/ ՀՀ դրամի չափով համարել անհուսալի դեբիտորական պարտք և համապատասխան փոփոխություններ կատարել 2017 թվականի համայնքի բյուջեի եկամտային մասում:
3. Սույն որոշումից բխող գործառույթներն իրականացնել օրենսդրությամբ սահմանված կարգով: