Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21)-րդ կետով, «Իրավական ակտերի մասին» Հայաստանի Հանրապետության օրենքի 72-րդ հոդվածով, Հայաստանի Հանրապետության Հողային օրենսգրքի 46-րդ, 48-րդ, 481-րդ, 50-րդ, 76-րդ և 81-րդ հոդվածներով, համաձայն Հայաստանի Հանրապետության կառավարության 2001 թվականի ապրիլի 12-ի «Պետական և համայնքային սեփականություն հանդիսացող հողամասերն օտարման, կառուցապատման իրավունքի և օգտագործման տրամադրման կարգը հաստատելու մասին» թիվ 286 որոշման և հաշվի առնելով համայնքի ղեկավարի առաջարկությունը, որոշման նախագծի քվեարկության 8 կողմ, 0 դեմ, 0 ձեռնպահ արդյունքներով, համայնքի ավագանին ո ր ո շ ու մ է.
1.Համայնքի վարչական սահմաններում գտնվող համայնքային սեփականություն հանդիսացող հողամասերը (բացառությամբ գյուղատնտեսական նշանակության հողամասերի) ուղղակի կառուցապատման և /կամ/ վարձակալության իրավունքով օգտագործման տրամադրելու համար սահմանել տարեկան վարձավճարների հետևյալ չափերը`
| |
Ուղղակի կառուցապատման և/կամ վարձակալության տրամադրվող հողամասերի մակերեսները
|
Տարեկան վարձավճարի չափը 1 քառ. մետրիհամար
|
|
1
|
Մինչև 0.002 հա-ը ներառյալ մակերեսով հողամասերի յուրաքանչյուր քառակուսի մետրի համար
|
հողամասի կադաստրային արժեքի 100 %-ի չափով
|
|
2
|
0.002 հա-ից մինչև 0,05 հա-ը ներառյալ մակերեսով հողամասերի` 0.002 հա-ը գերազանցող յուրաքանչյուր քառակուսի մետրի համար
|
հողամասի կադաստրային արժեքի 45 %-ի չափով
|
|
3
|
0,05 հա-ից ավել մակերեսով հողամասերի՝ 0,05 հա-ը գերազանցող յուրաքանչյուր քառակուսի մետրի համար
|
հողամասի կադաստրային արժեքի 7.25 %-ի չափով
|
2. Համայնքի վարչական սահմաններում գտնվող համայնքային սեփականություն հանդիսացող գյուղատնտեսական նշանակության հողամասերը ուղղակի կառուցապատման և /կամ/ վարձակալության իրավունքով օգտագործման տրամադրելու դեպքում 1 քառ. մետրի համար տարեկան վարձավճարը սահմանել հողի հարկի դրույքաչափին հավասարեցրած չափով՝ հողամասի կադաստրային զուտ եկամտի 15%-ի չափով:
3. Համայնքի վարչական սահմաններում ընդգրկված հողամասերը ուղղակի կառուցապատման և /կամ վարձակալության իրավունքով օգտագործման տրամադրելու դեպքում սահմանել հետևյալ գործակիցները`
3.1 հասարակական նշանակության օբյեկտների համար`
3.1.1 հանրային սննդի և ժամանցի կազմակերպման համար 1,5
3.1.2 առևտրի և կենցաղային ծառայությունների կազմակերպման համար 1,2
3.1.3 հանգստի և զբոսաշրջության կազմակերպման համար 1,0
3.1.4 կրթադաստիարակչական և սպորտի բնագավառի
գործունեության կազմակերպման համար 0.5
3.1.5 ավտոտեխսպասարկման կայանների կազմակերպման համար 1,2
3.1.6 տրանսպորտային միջոցների կայանատեղերի կազմակերպման համար 1,0
3.2 արտադրական նշանակության օբյեկտների համար`
3.2.1 պահեստարաններ 0,9
3.2.2 արդյունաբերական գործունեության վերամշակման
արտադրության օբյեկտներ 0,75
3.3 ավտոտնակներ 0,25
3.4 օժանդակ տնտեսական շինություններ 0,5
3.5 էլեկտրաէներգիայի, գազի և ջրի արտադրության և բաշխման օբյեկտներ 0.8
3.6 տրանսպորտի և կապի օբյեկտներ 0.8
3.7 բարեկարգման, կանաչապատման համար՝ 0,35
3.8 այլ նպատակով օգտագործման տրամադրելու դեպքում 1.0
4. Կնքվող պայմանագրերում նախատեսել, որ
1) Տարեկան վճարը ենթակա է վճարման յուրաքանչյուր ամիս հավասար չափերով:
2) վարձավճարի վճարման ժամկետ սահմանվում է պարտավորությունների ծագման ամսվան հաջորդող ամսվա 15-ը:
3) վարձավճարի վճարումը պայմանագրով նախատեսված ժամկետից ուշացնելու դեպքում վարձակալի համար սահմանվում է տույժ՝ ուշացման յուրաքանչյուր օրվա համար՝ չմուծված վճարի գումարի 0.05 %-ի չափով:
4) վարձակալի կողմից վարձավճարը ավելի քան 183 օր ուշացնելու դեպքում վարձատուն իրավունք է ստանում քննարկել կնքված պայմանագրի նպատակահարմարությունը և միակողմանի լուծել այն:
5) ավագանու կողմից վարձավճարների չափերի փոփոխության դեպքում կնքված պայմանագրերի վարձավճարները ոչ ավելի հաճախ, քան յուրաքանչյուր 5 տարին մեկ անգամ, համայնքի պահանջով ենթակա են վերանայման՝ համաձայն տվյալ պահին գործող դրույքաչափերի
5. Առաջարկել համայնքի ղեկավարին մինչև 2018 թվականի փետրվարի 23-ը կնքված հողամասերի վարձակալության և կառուցապատման իրավունքի տրամադրման պայմանագրերում վարձավճարի վճարումը պայմանագրով նախատեսված ժամկետից ուշացնելու համար սահմանված տույժի հաշվարկման դրույքաչափը սույն որոշման 4-րդ կետի 3)-րդ ենթակետով սահմանված դրույքաչափը գերազանցելու դեպքում պայմանագրային կողմի հետ համաձայնեցնելով՝ 2018 թվականի հունվարի 1-ից սկսած տույժերի հաշվարկները իրականացնել 0,05% դրույքաչափով:
6. Թույլատրել համայնքի ղեկավարին` համայնքի վարչական սահմաններում գտնվող համայնքային սեփականություն հանդիսացող հողամասերը սահմանափակ օգտագործելու իրավունքով /սերվիտուտ/ տրամադրելու դեպքում, ըստ հողերի տարածագնահատման /գտնվելու վայրի/ գոտիականության գործակիցների, վարձավճար սահմանել առանձին որոշումներով` ոչ պակաս, քան կադաստրային արժեքի 2 տոկոսի չափով:
7. Ուժը կորցրած ճանաչել Կապան քաղաքային համայնքի ավագանու 2015 թվականի դեկտեմբերի 21-ի «Համայնքի վարչական սահմաններում գտնվող պետական և համայնքային սեփականություն համարվող հողամասերն ուղղակի կառուցապատման և /կամ/ վարձակալության իրավունքով օգտագործման տրամադրելու վարձավճար սահմանելու մասին» թիվ 81-Ն որոշումը:
8. Համայնքի ղեկավարին՝ սույն որոշումից բխող գործառույթներն իրականացնել օրենսդրությամբ սահմանված կարգով: