Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42)-րդ կետով և հաշվի առնելով համայնքի ղեկավարի առաջարկությունը, որոշման նախագծի քվեարկության   8 կողմ,  0  դեմ,   0  ձեռնպահ արդյունքներով,  համայնքի ավագանին  ո ր ո շ ու մ  է.

1. Տալ համաձայնություն համայնքի ղեկավարին՝ ստեղծել համայնքի սեփականություն հանդիսացող հողամասերում աճող ծառերի վիճակը ըստ հասունության, հիվանդություններով և վնասատուներով վարակվածության կամ բնակչության համար պոտենցիալ վտանգ ներկայացնելու աստիճանի գնահատման հանձնաժողով, դրա կազմում ընդգրկելով նաև բնապահպանական պետական տեսչության Սյունիքի տարածքային բաժնի ներկայացուցչի: Ըստ անհրաժեշտության հանձնաժողովի աշխատանքներում կարող են ներգրավվել նաև այլ մասնագետներ, ոստիկանության, բնապահպանական կազմակերպությունների ներկայացուցիչներ և այլն: 

2. Առաջարկել համայնքի ղեկավարին հանձնաժողովի դրական եզրակացությունը ստանալուց հետո կայացնել անհատական որոշումներ և «Կապան քաղաքի կոմունալ ծառայություն» ՀՈԱԿ-ին կամ այլ ֆիզիկական և իրավաբանական անձանց տալ առանձին ծառերի հատման թույլտվություններ՝ վերջիններիս հետ կնքելով համապատասխան պայմանագրեր:

3. Սահմանել, որ. 

1) այն դեպքերում, երբ ծառահատման թույլտվությունը տրվում է «Կապան քաղաքի կոմունալ ծառայություն» ՀՈԱԿ-ին՝ հատման արդյունքում գոյացած վառելափայտը պետք է բաշխվի համայնքի կողմից սոցիալական աջակցության տրամադրման սահմանված կարգի համաձայն, իսկ արտադրական արժեք ունեցող բնափայտը պետք է տնօրինվի գործող օրենսդրությանը համապատասխան: 

2) ծառահատման թույլտվությունը այլ կազմակերպության կամ ֆիզիկական անձի տրամադրելու դեպքում որպես պարտադիր պայման պետք է նախատեսել թույլտվություն ստացողի կողմից հատման ենթակա ծառի՝ արտադրական արժեք ունեցող բնափայտի և վառելափայտի գնահատված արժեքի չափով գումարի վճարումը համայնքի բյուջե, ինչպես նաև համայնքի կողմից նախանշած տարածքում նոր տնկիների տեղադրում կազմակերպելու և դրանց հետագա խնամքը առնվազն մեկ տարի իրականացնելու պարտավորության ստանձնումը:

4. Համայնքի ղեկավարին՝ սույն որոշումից բխող գործառույթներն իրականացնել օրենսդրությամբ սահմանված կարգով: