Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 29-րդ և 42-րդ մասերով, «Իրավական ակտերի մասին» ՀՀ օրենքի 20-րդ հոդվածի 1-ին կետով, Հայաստանի Հանրապետության Հողային օրենսգրքի 3-րդ հոդվածի 1-ին կետով, համաձայն Հայաստանի Հանրապետության կառավարության 2011 թվականի դեկտեմբերի 29-ի թիվ 1918-Ն որոշման և  հաշվի առնելով հողերի oգտագործման ժամանակավոր uխեմաների համաձայնեցման միջգերատեսչական հանձնաժողովի 2017 թվականի նոյեմբերի 14-ի թիվ 141 դրական եզրակացությունը  և համայնքի  ղեկավարի  առաջարկությունը, որոշման նախագծի քվեարկության  14   կողմ,  0    դեմ,  0  ձեռնպահ արդյունքներով,  համայնքի ավագանին   ո ր ո շ ու մ  է.

1. Հայաստանի Հանրապետության Սյունիքի մարզի Կապան համայնքի Սյունիք բնակավայրի հողերի օգտագործման ժամանակավոր սխեմայում՝ համաձայն հավելվածի, ֆիզիկական անձի սեփականություն հանդիսացող 0,60245 հեկտար, այդ թվում 

1) գյուղատնտեսական նպատակային նշանակության 0,33339 հա վարելահողը /կադաստրային ծածկագիր՝ 09-082-0519-0029-ից/  

2) արդյունաբերության, ընդերքօգտագործման և այլ արտադրական նշանակության «գյուղատնտեսական արտադրական օբյեկտների հողեր» գործառնական նշանակության       0,26906 հեկտար հողամաս /կադաստրային ծածկագրեր՝ 09-082-0519-097, 09-082-0519-0104-ից/  փոխադրել բնակավայրերի նպատակային նշանակության «հասարակական կառուցապատման հողեր» գործառնական նշանակության:

2. ՀՀ Սյունիքի մարզի Կապան համայնքի ղեկավարին՝ 

1) ապահովել հողամասի նպատակային նշանակության փոփոխման պահին առկա կադաստրային արժեքի տարբերության գանձումը, եթե հողամասի նպատակային նշանակության փոփոխումից հետո դրա կադաստրային արժեքն ավելի բարձր է, քան մինչև փոփոխումը,

2) սույն կետի 1-ին ենթակետով գանձված ֆինանսական միջոցներն ուղղել համայնքի բնակավայրերի հողերի օգտագործման սխեմաների կամ գլխավոր հատակագծերի կազմմանը: