Այսօր կայացավ Կապան համայնքի ավագանու արտահերթ նիստ, որը վարում էր համայնքի ղեկավար Աշոտ Հայրապետյանը․ ներկա էր ավագանու 10 անդամ։
Օրակարգում ընդամենը մեկ հարց էր՝ Մանվել Սեկտորի Գրիգորյանին զրկել  Կապան համայնքի  պատվավոր քաղաքացու  կոչումից եւ ուժը կորցրած ճանաչել Կապան համայնքի ավագանու 2003 թվականի սեպտեմբերի 11-ի «Մանվել Սեկտորի Գրիգորյանին Կապան համայնքի պատվավոր քաղաքացու կոչում շնորհելու մասին» N 95-Ա որոշումը: 
Ավագանու անդամները նշեցին, որ նիստից բացակա իրենց ընկերները փոխանցել են, որ նույնպես  կողմ են ընդունվելիք որոշմանը։
Կապան համայնքի ավագանին արտահերթ նիստում միաձայն կողմ քվեարկեց օրակարգի միակ հարցին։

Նիստի առցանց հեռարձակման հղումը՝ ստորեւ․

https://www.youtube.com/watch?v=wUpUVoiuyPM