Արտուր Աթայանը ծնվել է 1964թ. ապրիլի 6-ին Կապան քաղաքում: 1981թ. ավարտել է Կապանի թիվ 2 միջնակարգ դպրոցը: 1982-1984թթ. ծառայել է խորհրդային բանակում: 1984թվականից աշխատանքի է անցել Կապանի <<Էլեկտրոն>> գործարանում: Մասնագիտությամբ  ֆինանսիստ-տնտեսագետ է:
1988 թվականից,  ազգային զարթոնքի տարիներին հանրապետության հարավային   սահմաններում ակտիվ մասնակցել է ինքնապաշտպանական ջոկատների ձևավորման, սպառազինման ու հանդերձավորման գործերին: 1991թվականից ՀՅԴ անդամ է, կուսակցության քաղաքային և մարզային կառույցներում պատասախանատու դիրքեր է զբաղեցրել: 1995 թվականին քաղաքացիական նախաձեռնությամբ ՀՀ Ազգային Ժողովի պատգամավորության թեկնածու է առաջադրվել: 2002 թվականին հիմնել է  կրի արտադրության <<Վայբլ>> ՍՊ ընկերությունը: Ակտիվորեն զբաղվել է հասարակական գործունեությամբ, հանդես է եկել բազմաթիվ բարեգործական նախաձեռնություններով: Միջազգային կազմակերպությունների հետ համագործակցության փորձ ունի: ՙՍյունյաց տուն՚ ազգային-մշակութային ընկերության հիմնադիր անդամ է: ՀՀ առևտրաարդյունաբերական պալատի խորհրդի անդամ է, եղել է պալատի Սյունիքի մասնաճյուղի խորհրդի նախագահ: Կարևոր դեր է խաղացել <<Կապան-Գլենդել քույր քաղաքների ընկերակցության>>հիմնադրման և միության ծրագրերի կյանքի կոչման գործում:
2008 թվականի հոկտեմբերի 12-ին կայացած ՏԻՄ ընտրություններում ձայների ճնշող մեծամասնությամբ ընտրվել է Կապանի քաղաքապետ: 
Ամուսնացած է , ունի երկու որդի և մեկ դուստր: