Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության  օրենքի 3-րդ,               4-րդ հոդվածներով, 2021 թվականի դեկտեմբերի 16-ի «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին»  397-Ն օրենքի 2-րդ հոդվածի 2-րդ մասով և մինչև վերջինիս ուժի մեջ մտնելը գործող Հայաստանի Հանրապետության Քաղաքացիական օրենսգրքի 188-րդ հոդվածի 2-րդ մասով, Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշման հավելվածով հաստատված Կարգի 34-րդ, 35-րդ կետերով, հիմք ընդունելով Կապանի քաղաքային համայնքի ավագանու 2012 թվականի դեկտեմբերի 13-ի թիվ 101-Ա որոշումը և քննության առնելով Կամո Հակոբյանի  դիմումը. որոշում եմ                      

1.Կապան համայնքի Կապան քաղաքի Շինարարների փողոցի թիվ 14/15  հասցեում գտնվող, համայնքային սեփականություն հանդիսացող բնակավայրերի նշանակության բնակելի կառուցապատման գոտում Կամո Երվանդի Հակոբյանի կողմից ինքնակամ կառուցված և համայնքային սեփականություն գրանցված շինությունը, որի 1-ին հարկում 28․1 քառ․մ արտաքին /25․1 քառ․մ ներքին/ մակերեսով ավտոտնակ է, իսկ 2-րդ հարկում՝ 28․1 քառ․մ արտաքին  /27․1 քառ.մ ներքին/ մակերեսով օժանդակ շինություն՝ 0.00281 հա  սպասարկման հողամասով` 222190 (երկու հարյուր քսաներկու հազար մեկ հարյուր իննսուն) դրամով (28․1x10000x0.1673=47020 դրամ ավտոտնակի համար, 28․1x20000x0.1673=94030 դրամ օժանդակ շինության համար, 28․1x2887․5=81140 դրամ հողամասի համար) ուղղակի վաճառքի միջոցով օտարել Կամո Երվանդի Հակոբյանին (ծնված 10.11.1938թ.):

2.Որոշման ընդունման օրվանից օրինականացման համար սահմանված վճարների` 60-օրյա ժամկետում չվճարման դեպքում որոշումը համարվում է ուժը կորցրած։