Ղեկավարվելով Տեղական ինքնակառավարման մասին Հայաստանի Հանրապետության օրենքի 18-րդ հոդվածի 1-ին մասի 21-րդ կետով, համաձայն Կապան համայնքի ավագանու 2009 թվականի դեկտեմբերի 29-ի «Համայնքային սեփականություն համարվող գույքը /ոչ բնակելի տարածքները և շինությունները/ ուղղակի վաճառքով և հրապարակային սակարկություններով օտարելու դեպքում օտարման գին սահմանելու և մեկնարկային գին սահմանելու մասին» թիվ 103-Ն որոշման,  հաշվի առնելով անշարժ գույքի գնահատման 02.05.2022թ. N 18 հաշվետվությունը, «Ալպինա» ՍՊԸ տնօրեն Վ․ Հարությունյանի 13․05․2022թ․ դիմումը և Կապան համայնքի ղեկավարի առաջարկությունը, Կապան համայնքի ավագանին որոշում է.

   1․ Համայնքային սեփականություն հանդիսացող գույքը՝ Կապան համայնքի ՈՒժանիս գյուղի 1-ին փողոցի թիվ 42 հասցեում գտնվող 1819.6 քառ.մետր  մակերեսով անասնաշենքը՝ 0.19226 հա սպասարկման հողամասով /անշարժ գույքի նկատմամբ իրավունքների պետական գրանցման վկայական   N 24072019-09-0024/ ուղղակի վաճառքի միջոցով օտարել «Ալպինա» սահմանափակ պատասխանատվությամբ ընկերությանը 12000000 (տասներկու միլիոն) դրամ արժեքով՝ այծաբուծական գործունեության իրականացման նպատակով։ 

2․ «Ալպինա» սահմանափակ պատասխանատվությամբ ընկերության առաջարկությամբ վերջինիս հետ կնքվող պայմանագրում ներառել․

1) «Ալպինա» սահմանափակ պատասխանատվությամբ ընկերության կողմից առուվաճառքի պայմանագիրն ուժի մեջ մտնելու պահից Կապան համայնքի ՈՒժանիս գյուղի 1-ին փողոցի թիվ 42 հասցեում գտնվող գույքի /անասնաշենքի/ կապիտալ վերանորոգման և գույքով ապահովման համար առաջին հինգ տարում 75․0 /յոթանասունհինգ/ մլն. ՀՀ դրամի ներդրում կատարելու պայման՝ համաձայն սույն որոշման անբաժանելի մաս հանդիսացող հավելվածի։ Հավելվածում նախատեսված յուրաքանչյուր հաշվետու տարվա պարտավորության ժամկետը լրանալուց հետո 15 աշխատանքային օրյա ժամկետում Կապան համայնքին ներկայացնել պարտավորության կատարման /նպատակային ներդրումների/ վերաբերյալ հաշվետվություն։ 

2)  Ի ապահովումն պարտավորությունների կատարմանը՝ առաջին հինգ տարում 75․0 /յոթանասունհինգ/ մլն ՀՀ դրամի ներդրումների իրականացմանը, գնորդը գրավ է դնում ձեռք բերվող անշարժ գույքը՝ Կապան համայնքի ՈՒժանիս գյուղի 1-ին փողոցի թիվ 42 հասցեում գտնվող անասնաշենքը։ «Ալպինա» սահմանափակ պատասխանատվությամբ ընկերության կողմից պարտավորությունը չկատարելու կամ ոչ պատշաճ կատարելու դեպքում նշված գույքն անցնում է Կապան համայնքին որպես սեփականություն՝ այդ պահի դրությամբ կատարված անբաժանելի բարելավումներով հանդերձ՝ առանց անշարժ գույքի և դրա անբաժանելի բարելավումների արժեքի փոխհատուցման։ 

3)  Պայմանագրային պարտավորությունների չկատարման կամ պայմանագրով սահմանված ժամանակացույցի էական խախտումների դեպքում գրավառուն՝ Կապան համայնքն իրավունք ունի առանց դատարան դիմելու գրավի առարկայի վրա բռնագանձում տարածելու և իրացնելու այն օրենքով սահմանված կարգով, այդ թվում գրավատուից՝ «Ալպինա» ՍՊ ընկերությունից պահանջելու պարտավորության ժամկետը լրանալուց հետո մեկ ամսվա ընթացքում ներկայանալ նոտարական գրասենյակ և կնքել պարտավորության դիմաց անշարժ գույքը գրավառուին՝ Կապան համայնքին, սեփականության իրավունքով փոխանցելու մասին պայմանագիր։ 

3․ Համայնքի ղեկավարին՝ սույն որոշումից բխող գործառույթներն իրականացնել օրենսդրությամբ սահմանված կարգով: