Ղեկավարվելով Տեղական ինքնակառավարման մասին Հայաստանի Հանրապետության օրենքի 18-րդ հոդվածի 1-ին մասի 42-րդ կետով, հիմք ընդունելով Հայաստանի Հանրապետության կառավարության 1999 թվականի օգոստոսի 31-ի N 551 որոշմամբ հաստատված կարգի 2-րդ կետը և հաշվի առնելով համայնքի ղեկավարի առաջարկությունը, Կապան համայնքի ավագանին որոշում է. 1. Տալ համաձայնություն՝ պետական և հասարակական գործիչ Ռաֆայել Արմենակի Մինասյանի հիշատակը հավերժացնելու նպատակով Հայաստանի Հանրապետության Սյունիքի մարզի Կապան համայնքի Կապան քաղաքի Ռաֆայել Մինասյան փողոցի թիվ 13 և 14 բազմաբնակարան շենքերի հարևանությամբ գտնվող այգում համայնքի բյուջեի միջոցներով կիսանդրի տեղադրելու նախաձեռնությանը:
2. Համայնքի ղեկավարին՝ սույն որոշումից բխող գործառույթներն իրականացնել օրենսդրությամբ սահմանված կարգով:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|