Զեկ. ՍՊԱՐՏԱԿ ՄՈՒՇԿԱՄԲԱՐՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, հաշվի առնելով համայնքի ղեկավարի առաջարկությունը Կապան համայնքի ավագանին  ո ր ո շ ու մ  է.

1. Հայաստանի Հանրապետության Սյունիքի մարզի Կապան համայնքի սեփականություն հանդիսացող ներքոնշյալ կամուրջների կողամասերը (բազրիքները) առանց մրցույթի, 1 (մեկ) տարի ժամկետով օգտագործման տրամադրել վարձակալության իրավունքով, հետևյալ պայմաններով՝ 

1) քաղաք Կապան, Բաղաբերդ թաղամաս, թիվ 5/5 հասցեում գտնվող կամուրջի  կողամասերը (բազրիքները) 10000 (տաս հազար) դրամ ամսական վճարով։

2) քաղաք Կապան, Ձորք թաղամաս, թիվ 3/5 հասցեում գտնվող կամուրջի կողամասերը (բազրիքները) 10000 (տաս հազար) դրամ ամսական վճարով։

3) քաղաք Կապան, Ա․Մանուկյան փողոց 5ա/2 հասցեում գտնվող կամուրջի կողամասերը (բազրիքները) 10000 (տաս հազար) դրամ ամսական վճարով։

2. Սույն որոշման մեջ նշված  կամուրջների կողամասերը (բազրիքները) օգտագործման տրամադրել վարձակալության իրավունքով բացառապես արտաքին գովազդ տեղադրելու նպատակով։ Արտաքին գովազդը կամուրջների կողամասերի  (բազրիքների) վրա կարող է տեղադրվել միայն դրանց տեղադրման տեխնիկական միջոցների վերաբերյալ համաձայնություն ձեռք բերվելու դեպքում։ 

3․ Սույն որոշման 2-րդ կետում նշված համաձայնությունը տալիս է համայնքի ղեկավարը։