Զեկ. ԿԱՐԵՆ ԳՐԻԳՈՐՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, համաձայն Հայաստանի Հանրապետության Հողային օրենսգրքի 63-րդ հոդվածի, հիմք ընդունելով ՀՀ Սյունիքի մարզպետ Ռ. Ղուկասյանի 08.06.2022թ. թիվ 01/12/03958-2022, Նորաշենիկի առողջության առաջնային պահպանման կենտրոն ՊՈԱԿ-ի 27.12.2021թ. թիվ 21 գրությունները և հաշվի առնելով Կապան համայնքի  ղեկավարի  առաջարկությունը, Կապան համայնքի ավագանին որոշում  է.

1. Հայաստանի Հանրապետության Սյունիքի մարզի Կապան համայնքի Շիկահող գյուղում գտնվող պետական սեփականություն հանդիսացող ամբուլատորիայի շենքի /ներկայումս օգտագործվում է «Նորաշենիկի առողջության առաջնային պահպանման կենտրոն» ՊՈԱԿ-ի կողմից/ սպասարկման համար նախատեսված 0.02624 հա /09-072-0002-0011-ից/ համայնքային սեփականություն հանդիսացող հողամասը անհատույց սեփականության իրավունքով  /նվիրատվություն/ օտարել Հայաստանի Հանրապետությանը:

 2. Հայաստանի Հանրապետության Սյունիքի մարզի Կապան համայնքի Առաձաջոր գյուղի 1-ին փողոցի թիվ 36 հասցեում  գտնվող «Նորաշենիկի ԱԱՊԿ» ՊՈԱԿ-ի պոլիկլինիկայի շենքի սպասարկման համար նախատեսված 0.1 հա  /09-016-0003-0005-ից/ համայնքային սեփականություն հանդիսացող հողամասը անհատույց սեփականության իրավունքով  /նվիրատվություն/ օտարել Հայաստանի Հանրապետությանը:

3. Կապան համայնքի ղեկավար Գ. Փարսյանին` Հայաստանի Հանրապետության օրենսդրությամբ սահմանված կարգով  և ժամկետներում  ձեռնարկել  սույն որոշումից բխող գործառույթների իրականացումը: