Ղեկավարվելով «Տեղական ինքնակառավարման մասին» Հայաստանի Հանրապետության օրենքի 13-րդ հոդվածի 12-րդ մասով, 18-րդ հոդվածի 1-ին մասի 21-րդ կետով և 80-րդ հոդվածի 2-րդ մասով, համաձայն Հայաստանի Հանրապետության հողային օրենսգրքի 63-րդ հոդվածի 2-րդ պարբերության 3-րդ կետի,  67-րդ հոդվածի           1-3-րդ մասերի, 2001 թվականի ապրիլի 12-ի N 286 որոշմամբ հաստատված կարգի 2-րդ կետի, 13-րդ կետի «գ» ենթակետի, հիմք ընդունելով Հայաստանի Հանրապետության կառավարության 2006 թվականի ապրիլի 20-ի N 723-Ն որոշման 2-րդ կետը   և հաշվի առնելով «Կալգարի» սահմանափակ պատասխանատվությամբ ընկերության 2025 թվականի հունիսի 18-ի N39 շուկայական գնահատությունը և Կապան համայնքի  ղեկավարի առաջարկությունը,  Կապան համայնքի ավագանին որոշում  է.

1. Հայաստանի Հանրապետության Սյունիքի մարզի Կապան համայնքի Կապան քաղաքի Թումանյան փողոց 39/1 հասցեում գտնվող, համայնքային  սեփականություն հանդիսացող 0.0174 հեկտար մակերեսով բնակավայրերի նպատակային նշանակության «հասարակական կառուցապատման» գործառնական նշանակության (կադաստրային ծածկագիր՝  09-001-0630-0597) հողամասը աճուրդային կարգով օտարել` կայանատեղի կառուցելու նպատակով, մեկնարկային գին սահմանելով 6270000 (վեց միլիոն երկու հարյուր յոթանասուն հազար) ՀՀ դրամ շուկայական արժեքով։

2. Սույն որոշման 1-ին կետով սահմանված հողամասի օտարման պայմանագրում ամրագրել Կապան համայնքի՝ նշված հողամասի առաջնային հետգնման իրավունք և ծրագրի իրականացման ժամկետ սահմանել 10 (տասը) տարի: 

3. Համայնքի ղեկավարին՝ ՀՀ օրենսդրությամբ սահմանված կարգով և ժամկետներում ձեռնարկել սույն որոշումից բխող գործառույթների իրականացումը: 

4․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։