Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, հաշվի առնելով ««Дом русской книги» հասարակական մշակութային կենտրոն» նշանի իրավատեր «ՋՈՍԵ» սահմանափակ պատասխանատվությամբ ընկերության 23.10.2021թ. գրությունը  և Կապան համայնքի ղեկավարի առաջարկությունը, Կապան համայնքի ավագանին որոշում է.

 1. Համայնքի սեփականություն հանդիսացող գույքը՝ Կապան քաղաքի Մ.Պապյան փողոցի թիվ 18/40 հասցեում գտնվող գրադարանի (Անշարժ գույքի նկատմամբ իրավունքների պետական գրանցման վկայական N 27022014-09-0026)  139.2 քառ.մետր  մակերեսով հասարակական նշանակության տարածքը 5 /հինգ/ տարի ժամկետով անհատույց օգտագործման իրավունքով օգտագործման տրամադրել ՋՈՍԵ» սահմանափակ պատասխանատվությամբ ընկերությանը՝ մշակութային, լեզվի և գրականության զարգացման ու ամրապնդման  նպատակով, միաժամանակ պահպանելով համայնքային գրադարանի գործունեությունը:

2. Պարտավորեցնել «ՋՈՍԵ» սահմանափակ պատասխանատվությամբ ընկերությանն իր միջոցներով իրականացնել գրադարանի կապիտալ վերանորոգումը և համապատասխան գույքով, տեխնիկայով ու գրականությամբ վերազինումը և նշված ներդրումները սեփականության իրավունքով հանձնել Կապան համայնքին:

3. Համայնքի ղեկավարին՝ սույն որոշումից բխող գործառույթներն իրականացնել օրենսդրությամբ սահմանված կարգով: