Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, , համաձայն 2021 թվականի դեկտեմբերի 16-ին ընդունված «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» 397-Ն օրենքի 2-րդ հոդվածի 2-րդ մասով և մինչև վերջինիս ուժի մեջ մտնելը գործող Քաղաքացիական օրենսգրքի 188-րդ հոդվածի 5-րդ մասով, 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշմամբ, 2021 թվականի հունվարի 20-ին ընդունված «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքում լրացումներ կատարելու մասին թիվ 23-Ն օրենքի 4-րդ հոդվածի 7-րդ մասով և մինչև վերջինիս ուժի մեջ մտնելը գործող 2003 թվականի ապրիլի 17-ի «Բազմաբնակարան բնակելի շենքերի, բնակարանների, անհատական բնակելի տների, այգետնակների (ամառանոցների) և դրանց կից շինությունների, առանձին կանգնած հասարակական ու արտադրական նշանակության շինությունների, բազմաբնակարան բնակելի շենքերում տեղակայված հասարակական և արտադրական նշանակության շինությունների տեղադրության (տարածագնահատման գոտիականության) գործակիցները հաստատելու մասին» թիվ 470-Ն, Կապանի քաղաքային համայնքի ավագանու 2012 թվականի դեկտեմբերի 13-ի թիվ 101-Ա որոշումների, հիմք ընդունելով «ՏՐԻՎԻՈՒՄ ԷՔՍՊԵՐՏ» ՍՊ ընկերության 21.10.2024թ․ եզրակացությունը և հաշվի առնելով, որ համայնքային սեփականություն հանդիսացող հողամասում կառուցված ինքնակամ կառույցի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը և կառուցված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերում, ինժեներատրանսպորտային օբյեկտների օտարման կամ անվտանգության գոտիներում և քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք և քննության առնելով Գրենիկ Ալավերդյանի դիմումը, որոշում եմ
1․ Համայնքի Կապան քաղաքի Ռ․Մինասյան փողոցի թիվ 18/51 հասցեում գտնվող, համանյքային սեփականություն հանդիսացող բնակավայրերի նշանակության բնակելի կառուցապատման գոտում Գրենիկ Ալավերդյանի կողմից ինքնակամ կառուցված 23․68 քառ․մ արտաքին /21․7քառ․մ ներքին/ մակերեսով ավտոտնակը և 25․0 քառ․մ մակերեսով ծածկը՝ 0.0025 հա սպասարկման հողամասով ճանաչել օրինական։
2․ Սույն որոշման 1-ին կետում նշված օրինական ճանաչված կառույցը և հողամասը գնման նախապատվության իրավունքով ուղղակի վաճառքի ձևով 101300 (մեկ հարյուր մեկ հազար երեք հարյուր) ՀՀ դրամ արժեքով 23․68x10000x0.11=26050դրամ ավտոտնակի, 25x20000x0.11=55000 դրամ ծածկի և 25x810=20250 դրամ հողամասի համար, ուղղակի վաճառքի միջոցով օտարել Գրենիկ Եփրեմի Ալավերդյանին (ծնված 15․01․1947թ.):
3.Որոշման ընդունման օրվանից օրինականացման համար սահմանված վճարների` 60-օրյա ժամկետում չվճարման դեպքում որոշումը համարվում է ուժը կորցրած։