Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության  օրենքի 3-րդ,               4-րդ հոդվածներով, 2021 թվականի դեկտեմբերի 16-ի «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին»  397-Ն օրենքի 2-րդ հոդվածի 2-րդ մասով և մինչև վերջինիս ուժի մեջ մտնելը գործող Հայաստանի Հանրապետության Քաղաքացիական օրենսգրքի 188-րդ հոդվածի 2-րդ մասով, Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշման հավելվածով հաստատված Կարգի 34-րդ, 35-րդ կետերով, հիմք ընդունելով Կապանի քաղաքային համայնքի ավագանու 2012 թվականի դեկտեմբերի 13-ի թիվ 101-Ա որոշումը և քննության առնելով Արմեն Ավետիսյանի  դիմումը. որոշում եմ                      

1. Կապան համայնքի Կապան քաղաքի Գ․Արզումանյան փողոցի 2-րդ նրբանցքի թիվ 39/1  հասցեում գտնվող, համայնքային սեփականություն հանդիսացող, բնակավայրերի նշանակության բնակելի կառուցապատման գոտում Արմեն Օնիկի Ավետիսյանի կողմից ինքնակամ կառուցված, համայնքային սեփականություն գրանցված 47․7 քառ․մ արտաքին /32․1 քառ․մ ներքին/ մակերեսով մառանը, 26․6 քառ․մ մակերեսով ծածկը 0.02253 հա  մակերեսով սպասարկման հողամասով` 1201430 (մեկ միլիոն երկուի հարյուր մեկ հազար չորս հարյուր երեսուն) դրամով ((47․7+26․6)x20000x0.1422=211310 դրամ մառանի, ծածկի համար, (47.7+26․6)x1877․7=139520 դրամ և 151x1877․7x3=850600 դրամ հողամասի համար) ուղղակի վաճառքի միջոցով օտարել Արմեն Օնիկի Ավետիսյանին (ծնված 12․08․1967թ.):

2.Որոշման ընդունման օրվանից օրինականացման համար սահմանված վճարների`    60-օրյա ժամկետում չվճարման դեպքում որոշումը համարվում է ուժը կորցրած։