Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 29-րդ կետով, Հայաստանի Հանրապետության Հողային օրենսգրքի 3-րդ հոդվածի 1-ին կետով, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշմամբ և հաշվի առնելով ՀՀ վարչապետի 2009 թվականի դեկտեմբերի 22-ի N 1064-Ա որոշմամբ ստեղծված ՀՀ համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի  2021 թվականի օգոստոսի 09-ի թիվ 1/փ-245 դրական եզրակացությունը  և Կապան համայնքի  ղեկավարի  առաջարկությունը, Կապան համայնքի ավագանին ո ր ո շ ու մ  է.

1.Հայաստանի Հանրապետության Սյունիքի մարզի Կապան համայնքի Կապան քաղաքի գլխավոր հատակագծում  կատարել փոփոխություններ և ներքոհիշյալ հողամասերը փոխադրել արդյունաբերության, ընդերքօգտագործման և այլ արտադրական նշանակության հողերի կատեգորիա՝ «արդյունաբերական օբյեկտների» հողեր գործառնական նշանակությամբ․

1) Կապան համայնքի Կապան քաղաքի Երկաթուղայինների փողոցի 16/7 հասցեում գտնվող քաղաքացու սեփականություն հանդիսացող 0.00285 հա (կադաստրային ծածկագրեր 09-001-0513-0215-ից) բնակավայրերի նպատակային նշանակության հողամասը, որից 0,00192 հա «հասարակական կառուցապատման», իսկ 0,00093 հա «բնակելի կառուցապատման» հողեր։

2) Կապան համայնքի Կապան քաղաքի Երկաթուղայինների փողոցում գտնվող համայնքային սեփականություն հանդիսացող 0.00406 հա (կադաստրային ծածկագրեր 09-001-0513-0007-ից) բնակավայրերի նպատակային նշանակության հողամասը, որից 0,00013 հա «հասարակական կառուցապատման», իսկ 0,00393 հա «բնակելի կառուցապատման» հողեր։

2. Համայնքի ղեկավարին՝ իրականացնել սույն որոշումից բխող գործառույթները: